Misambu 132:9 - MUKANDA WA MYIDI MUKULU

⁹ Batuangaji bebe bavuale buakane, bu mudibu bavuale bilamba biabu; bantu badi bakuitaba bele mbila ya disanka!

Mukanda wa Nzambi Dihungila Dikulukulu ne Dihungila Dihia-dihia 2003

⁹ Baluatshishe bakuidi bebe ne buakane, bansanto bebe bele mbila bua disanka diabo.

Misambu 132:9 交叉引用

Yobe 29:14

Meme kuvuala buakane bu tshilamba. Kanemu ka tshintu tshia bende kavua mu tshinkutu ne mu tshifulu tshianyi.

Didimanyisha 19:8

Bavua banyishe bua mukajende avuale bilamba bimpe, bienza ne buanda bua ndanda, biengelela kabiyi katoba.” (Bilamba bimpe bienza ne buanda bua ndanda, bidi bileja malu mimpe avua bantu ba Mvidi Mukulu benze.)

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Misambu 132:16

Nempeteshe batuangaji lupandu mu Siyone, badi bitaba nebele mbila ya disanka.

Misambu 104:1

Ndi musue kuela Maweja-Nangila tuasakidila! Maweja-Nangila, Mvidi Mukulu wanyi, udi mutambe bunene. Udi muvuale bukenke ne buneme,

Misambu 93:1

Maweja-Nangila udi mukalenga, udi mudijingile butumbi bu mudibu badijingila tshilamba, udi muvuale bukole, bu mudibu bavuala mukaba. Buloba budi bushindame, kabuena mua kunyunga.

Rome 13:14

Vualayi amu Mfumu wetu Yezu Kristu, numufuane. Kanusumpakanyi bua kusankisha buntu buenu ne bijingajinga biabu.

Sefanya 3:14

Tshimenga tshia Siyone, sankaku! Bena Izrayele, elayi tunkunduluila. Yerushalayime, sanguluka ne muoyi webe mujima.

Yeshaya 65:14

Nebikale ne disanka dinene, nebele mbila bua diakalenga didibu nadi. Kadi nuenu, yenu mbila neikale ya dikenga. Nenukengakane ne muadi, muoyi neunushikile munda.

Misambu 149:5

Bantu badi balamata Maweja-Nangila, basanke, batumbishe Mvidi Mukulu! Bele mbila ya disanka nansha butuku!

Misambu 70:4

Badi banseka, bundu bubakuate, bapuwe!

Misambu 68:3

Udi ubatangalaja, bu mudi muinshi utangalaka, ujimina. Padiye umueneka, baluishi bende badi bateketa mu maboku, bu mudi manyi enguluka ku kapia.

Misambu 47:1

Musambu wa mu mukanda wa mulombodi wa misambu. Wa mu mukanda wa misambu wa bena Kora.

Balombodi 5:31

Maweja-Nangila, baluishi bebe bonsu, bafue muvua Sisra mushiye panu. Kadi balunda bebe bikale bu diba, patshididi dipatuka ne bukenka, ne nsese yadi yonsu! Ke muvua ditunga dianji kushala mu ditalala bidimu makumi anayi nanku.

2 Kulondolola 6:41

Mpindiewu, Maweja-Nangila Mvidi Mukulu, juka, shindikija mushete wa tshijila, muaba uudi uleja bukole buebe. Ubuele muaba ewu uudi mua kuikisha. Maweja-Nangila Mvidi Mukulu, ambuluishe batuangaji bebe, bikale bakanyine bilamba biabu bia lumu, batupeteshe lupandu, bantu badi bakuitaba, basanke, bapete diakalenga.