Misambu 132:7 - MUKANDA WA MYIDI MUKULU

⁷ Tubuelayi mu nzubu mua Maweja-Nangila, tuinyike mitu ku makasa ende.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Tubuele mu muaba mudiye muikale, tumutendelele ku ditanda dia muinshi mua makasa andi.

Misambu 132:7 交叉引用

Misambu 99:5

Tumbishayi Maweja-Nangila, Mvidi Mukulu wetu, bua bunene buende, numukukuile ku bidiatshilu bia makasa ende. — Eyowa, Maweja-Nangila udi wa tshijila.

Misambu 5:7

Wewe udi ubutula bena dishima, ubenga badi bashipa bantu, nansha badi babadinga.

Muadi 2:1

Eyi! Bua tshiji tshiende, Maweja-Nangila udi ubuikila Yerushalayime ne mavuba! Butumbi buvua Izrayele nabu mu diulu, kubuimanshaye panshi pa buloba. Pavuaye mufikile Siyone munda, kavua muvuluke muvua Siyone muikale tshidiatshilu tshia makasa ende nansha.

Misambu 122:1

Musambu wa bena ngendu udi mu mukanda wa misambu ya Davide. Ndisanka kaayi, dingakumvua pavuabu bangambile ne: “Tuye mu nzubu mua Maweja-Nangila!”

Misambu 118:19

Ngunzuluilayi biibi bidi bitabi ba Maweja-Nangila babuela, bua mbuele, nye kutumbisha Maweja-Nangila!

Yeshaya 2:3

Bantu bavule nebayemu, benda bamba ne: “Tuyayi! Tubande pa mukuna wa Maweja-Nangila. Tubuele mu nzubu wa Mvidi Mukulu wa Yakobe. Atulongeshe tshidiye musue bua tuetu kuenza. Netulonde njila udiye utuleja.” Eyowa, dilongesha dia Maweja-Nangila didi difumina mu Siyone, muaku wende udi upatukila mu Yerushalayime.

Misambu 95:6

Buelayi, tuiname, tuinyike mitu, tutue binu, kumpala kua Maweja-Nangila, Mutufuki wetu.

Misambu 99:9

Tumbishayi Maweja-Nangila, numukukuile pa mukuna wende wa tshijila, bualu Maweja-Nangila Mvidi Mukulu wetu, Eyowa, udi wa tshijila.