Misambu 132:18 - MUKANDA WA MYIDI MUKULU

¹⁸ Nemfuishe baluishi bende bundu, tshifulu tshia bukalenga netshikenke ku mutu kuende.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nenduatshishe bena lukuna bandi bundu, ka dî tshifulu tshiandi tshia butumbi netshikenke ku mutu wandi.

Misambu 132:18 交叉引用

Misambu 35:26

Badi basanka bua diakabi dianyi, bundu bubakuate, bupuke lumu! Badi baditambisha, bampepeja, bafue bundu disu tente!

Yobe 8:22

Nanku badi bakukina nebafue bundu, bantu babi nebajimine.

Didimanyisha 11:15

Pashishe mutumibue wa muanda mutekete kuela mpungi. Meyi makole kumvuika mu diulu, amba ne: “Bumfumu bua kulombola buloba budi kudi Maweja-Nangila wetu ne kudi Meshiya wende. Nebashale mu bukalenga kashidi.”

Matayi 28:18

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

Misambu 109:29

Bua badi bansonguela, lumu luabu lupuke bu kazaku, bafue bundu bu muntu mudibuikile tshilamba!

Danyele 12:2

Bantu ba bungi badi mu kandondu nebabike ku lufu, bamue bua kuikalabu ne muoyi wa tshiendelele, bakuabu bua kuikala ne bundu, bashala ne bowa tshiendelele.

Didimanyisha 17:14

Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.

Misambu 109:19

Ikale nawu bu tshilamba tshidiye udijingila, ne bu mukaba udiye uvuala matuku onsu.”

Nsumuinu 12:8

Badi batumbisha muntu wa meji. Kadi badi badiwula muntu mububakane.