Misambu 119:2 - MUKANDA WA MYIDI MUKULU

² Bantu badi balonda mikenji yende, bamutumikila ne muoyi wabu mujima, badi ne disanka!

Mukanda wa Nzambi Dihungila Dikulukulu ne Dihungila Dihia-dihia 2003

² Disanka didi kudi badi banemeka mei andi, badi bamukeba ne mitshima yabo mijima.

Misambu 119:2 交叉引用

Yirmeya 29:13

Nuenu bankebe ne muoyi wenu mujima, nenumpete, nennupingaje muenu.

Misambu 119:10

Wewe ngundi nkeba bua kuitaba ne muoyi wanji mujima, kundekedi bua nsesuke ku meyi ebe.

Dielulula 4:29

Diba adi, mu matunga aa, nenukebe Maweja-Nangila Mvidi Mukulu wenu. Kadi bua nuenu kumupeta, anu nuenu bamukebe ne muoyi mujima ne bukole buenu buonsu.

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

Misambu 25:10

Bionsu bidi Maweja-Nangila wenza, bidi bileja mudiye unanga bantu badi balama ndondu wende, bakumbaja mikenji yende.

Yezekiyele 36:27

Nenteke Mueyelu wanyi munda muenu. Nenku nennuambuluishe bua nuitabe meyi anyi, nulame mikenji imvua munupe, nuyikumbaja.

Nsumuinu 23:26

Muananyi, ngitaba. Sanka bua umfuane meme.

Dielulula 6:17

Nuitabe ku meyi, nukumbaje mikenji yende, bivuaye munuambile.

2 Kulondolola 31:21

Pavua Izkiya ulongolola nzubu wa Mvidi Mukulu, ukuata mudimu bua bantu banemeke meyi ne mikenji bia Mvidi Mukulu, uvua wenza muende muonsu bua amanye tshidi Mvidi Mukulu musue. Uvua muenze nanku ne muoyi wende mujima. Mvidi Mukulu uvua umuambuluisha.

1 Bakalenga 2:3

Witabe Maweja-Nangila Mvidi Mukulu webe. Matuku onsu wenze amu tshidiye musue. Utumikile meyi ende ne mikenji yende. Ukumbaje bionsu bidiye wamba, ne bidiye ulongesha. Ukumbaje bionsu bidibu bafunde mu mikenji ya Moshe. Nanku, newikale muena diakalenga mu bionsu biudi wenza.

1 Yone 3:20

Nansha kondu ketu ka munda katupisha ne: tudi benze bibi, kadi tudi bamanye ne: Mvidi Mukulu mmupite kondu ketu ka munda, mmumanye kabidi bionsu.

Misambu 105:45

bua kulondabu mikenji yende, ne kulonda malongesha ende. Tumbishayi Maweja-Nangila, Aleluya!

Dielulula 6:5

Nunange Maweja-Nangila Mvidi Mukulu wenu, ne muoyi wenu mujima, ne mutshima wenu onsu, ne bukole buenu buonsu.

Misambu 119:22

Ungumbushile kapeja ne tuseku, bualu ndi ndama mikenji yebe.

Misambu 119:146

Ndi nkubila, fika ungambuluishe, ndame meyi ebe.

1 Kulondolola 22:19

Nenku, mpindiewu enzayi muenu muonsu bua kumanya tshidi Mvidi Mukulu wenu musue. Tuadijayi kuashila Maweja-Nangila Mvidi Mukulu wenu muaba wa tshijila. Nutekemu mushete wa ndondu wa Maweja-Nangila ne bintu bia tshijila bia Mvidi Mukulu.

Misambu 119:17

Ungenzele meme muena mudimu webe bimpe, ngikale ne muoyi, ndame diyi diebe.

Misambu 119:33

Maweja-Nangila, undeje njila wa meme kulonda, nemmulonde too ne ku ndekelu.

Misambu 119:34

Ungunwuije mikenji yebe, nenyilonde, nenyilame ne muoyi wanyi mujima.

Misambu 119:57

Maweja-Nangila, ndi muambe ne: tshindi ne bua kuenza, nkulama mikenji yebe.

Misambu 119:69

Bena kapeja badi bannyanga ne malu a didinga, kadi meme ndi ndama mikenji yebe ne muoyi mujima.

Misambu 119:88

Umpe muoyi bua buimpe buebe, bua ndame meyi ebe.

Misambu 119:101

Ndi mubenge kulonda njila wa bubi, bua kuenza tshiudi musue.

Misambu 119:115

Nuenu bena malu mabi umbukayi muaba undi, ndi musue kulonda meyi a Mvidi Mukulu wanyi.