Misambu 116:1 - MUKANDA WA MYIDI MUKULU

¹ Ndi munange Maweja-Nangila bualu udi unteleja pandi mmubikila

Mukanda wa Nzambi Dihungila Dikulukulu ne Dihungila Dihia-dihia 2003

¹ Ndi munange Yehowa, bualu bua wakunvua dî dianyi ne kutendakena kuanyi.

Misambu 116:1 交叉引用

1 Yone 4:19

Kadi tuetu tudi tunangangana, bualu Mvidi Mukulu uvua mudianze kutunanga.

Yowanane 16:24

Too ne mpindiewu kanuena banji kulomba tshintu mu dina dianyi. Lombayi, nenupete, bua disanka dienu dikale dijima.

Marke 12:33

Nenku, muntu udi ne bua kunanga Mvidi Mukulu ne muoyi wende onsu, ne lungenyi luende luonsu ne bukole buende buonsu. Udi ne bua kunanga kabidi muntu nende bu mudiye mudinange yeye mene. Kuenza nanku nkupita kuoshila Mvidi Mukulu nyama pa tshilambuilu ne kumulambula milambu ya mishindu yonsu.

Misambu 69:33

Bantu bapuekele nebamone bionsu ebi, nebasanke. “Nuenu bonsu badi bakeba Mvidi Mukulu, nulale panu nuboboke.

Misambu 40:1

Musambu wa mu mukanda wa mulombodi wa bena misambu. Wa mu mukanda wa misambu ya Davide.

Misambu 119:132

Untangile, ungambuluishe, bu muuvua mupangadike bua bonsu badi bakunanga.

Genese 35:2

Yakobe kuambila bena diku diende ne bantu bende ne: — Dilongololayi. Umushayi mvidie ya bisamba bikuabu idi munkatshi muenu. Dikobololayi, nuvuale bilamba bikuabu.

Yowanane 21:17

Pashishe kumukonkaye tshiakasatu ne: — Simone, muana wa Yowanane, udi munnange anyi? Petro kubungama, bualu Yezu uvua umukonka tshiakasatu ne: “Udi munnange anyi?” Ke kumuandamunaye ne: — Mfumu, udi mumanye bionsu, udi mumanye mundi mukunange! Yezu kumuambila ne: — Ukube mikoku yanyi.

1 Samuele 1:26

Ane kukonka mutuangaji Eli ne: — Utshidi muvuluke mukaji uvua muimane muaba ewu dituku dikuabu, pabuipi nebe bua kulomba Maweja-Nangila anyi? Amu bu muudi ne muoyi bulelela, ndi nkujadikila ne: mukaji awu mmeme.

Dibadika 21:3

Maweja-Nangila kuitaba bivua bena Izrayele bamulaye, kufila bena Kenaane mu bianza biabu. Kushipabu bena Kenaane bonsu, kubutula ne bimenga biabu. Kuinyikabu muaba awu dina ne: Orma, mmomumue ne: nkabutu.

1 Bakalenga 9:3

Maweja-Nangila kuambila Shelomu ne: — Ndi mumvue kulomba kuebe, ne mushindu uudi untendakena. Nanku, ndi njidila nzubu ewu uudi muibake. Ndi muitabe bua kusombamu kashidi, bua meme kuikala munkatshi muenu. Nengikale mulame nzubu ewu. Netumuenzele bimpe misangu yonsu.

Misambu 28:6

Ndi ngela Maweja-Nangila tuasakidila. Pamvua mmusengelela, uvua munteleje.

Yeshaya 38:15

Kadi tshingambila Maweja-Nangila ntshinyi? Udi muenze bionsu ebi ki nYeye anyi? Ndi ngendakana panu, mpitshisha matuku, amu ne kanyinganyinga kakole munda.

Muadi 3:56

Uvua mungumvue pamvua nkuela lubila: “Kujibiki matshi ebe ku mikemu yanyi ne ku muadi wanyi nansha.”

Yona 2:3

Mu dikenga didi dinkuate edi, ndi nkubikila wewe Maweja-Nangila wanyi; ke wewe kunteleja. Nkavua nkeba kubuela muaba wa bafue. Mvua mulombe bua ungambuluishe; wewe kumvua diyi dianyi.