Misambu 113:5 - MUKANDA WA MYIDI MUKULU

⁵ Udi bu Maweja-Nangila Mvidi Mukulu wetu, Yeye udi wasa mulu,

Mukanda wa Nzambi Dihungila Dikulukulu ne Dihungila Dihia-dihia 2003

⁵ Udi bu Yehowa wetu nganyi, udi ne nkuasa wandi mulu,

Misambu 113:5 交叉引用

Misambu 89:6

Maweja-Nangila, batumibue, ba mu diulu batumbishe malu ebe a kukema, badibu nabu mu diulu batumbishe bulelela buebe!

Yirmeya 10:6

Maweja-Nangila, kakuena mukuabu bu wewe, wewe udi munene. Bantu badi bamanye bunene ne bukole buebe.

Yeshaya 40:25

Mvidi Mukulu wa tshijila udi ukonka ne: “Nenumfuanyikije ne nganyi? Udi mua kuikala nanyi mumue nnganyi?”

Dielulula 33:26

Pashishe Moshe kuamba ne: “Nuenu bena Yeshurune, numanye ne: kakuena mvidie udi ufuana Mvidi Mukulu wenu. Udi upitshila mu diulu, upueka, wenda pa mavuba, anu bua kuvua kunuambuluisha.

Ekesode 15:11

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Misambu 89:8

Mvidi Mukulu, badi bakutshina mu tshipangu, tshia batumibue ba Mvidi Mukulu, badi bapita kukutshina kudi badi bannyungulukila.

Yeshaya 40:18

Nudi basue kuteka Mvidi Mukulu mulongu umue ne nganyi? Nenumufuanyikije ne tshinyi?

Misambu 35:10

Nengambile Maweja-Nangila muanyi muonsu ne: “Kakuena udi bu wewe. Wewe udi upandisha mupele mu bianza bia baluishi bende, usungidila muena dikenga kudi muena tshinyangu.”

Yeshaya 16:5

Diba adi, bu munudi nudileja luse luenu, muntu wa ku ndelanganyi ya Davide, neasombe kashidi mu nkuasa wa bukalenga. Nealumbuluishe bantu, neakose nsambu pa yoyi, nealudike bantu mu njila muimpe.”

Misambu 103:19

Maweja-Nangila mmujadike nkuasa wende wa bukalenga mu diulu, ukokesha bintu bionsu.

Misambu 11:4

— Maweja-Nangila udi mu nzubu wende wa tshijila. Maweja-Nangila udi ne nkuasa wende mu diulu. Udi utangila bantu miaba yonsu idibu, uteta bionsu bidibu benza.

Misambu 89:7

Maweja-Nangila, kuena ne wa kukuidikija nende mu diulu amu, nansha ku bamvidie bonsu, kakuena mvidie udi bu wewe.

Misambu 89:9

Maweja-Nangila, Mvidi Mukulu wa bukole buonsu, udi bu wewe nnganyi? Maweja-Nangila, bukole ne bulelela bidi bikunyungulukile.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.