Misambu 112:8 - MUKANDA WA MYIDI MUKULU

⁸ Udi ne muoyi mukole, kena ne bowa, too ne padiye umona batshimuna baluishi bende.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Mutshima wandi udi mukole, kena utshina, tô ne hamoneye bualu budiye musue bukuate bena lukuna bandi.

Misambu 112:8 交叉引用

Misambu 118:7

Maweja-Nangila udi nanyi, ungambuluisha, ndi mmona bundu bua baluishi banyi.

Misambu 91:8

Tabala tshianana, neumone mudi Mvidi Mukulu ufuta bantu babi!

Misambu 59:10

Ndi ntekemena kuudi, bualu wewe udi undama. Mvidi Mukulu, Wewe udi nzubu mukole undi nsokomena.

Misambu 31:24

Nuenu bonsu bantu ba Maweja-Nangila, munangayi, bualu udi ulama badi bamuitaba. Kadi udi unyoka bena ditambisha bilondeshile bubi buvuabu benze.

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

Nsumuinu 3:33

Maweja-Nangila udi utshipa nzubu ya benji ba malu mabi; kadi udi wela ya bantu bakane lupemba.

Misambu 92:11

Udi mumpeshe bukole bu bua nyama wa mbowa, udi mungele mafuta mapiamapia pa mutu.

Misambu 27:14

— Tekemena Maweja-Nangila, kola muoyi, kutekeshi mu maboku, eyowa, tekemena Maweja-Nangila!

Misambu 37:34

Tekemena kudi Maweja-Nangila, ulame lutulu, ukumbaje mikenji yende. Neakuzangike, upete ditunga. Neumone mudiye ubutula bantu babi.

Misambu 49:6

Padi makenga makole mankuate, bena mutshima bangela munkatshi, bankengesha, nempampakene tshinyi?

Misambu 118:6

Maweja-Nangila udi nanyi, tshiena ntshina tshintu. Bantu nebangenze tshinyi?