Misambu 110:3 - MUKANDA WA MYIDI MUKULU

³ Bantu badi bamanye mvita bikole badi baya nebe bua kukufila, dituku diudi usangisha bena mvita bebe. Bansongalume bebe badi bavue kuudi pa mikuna ya tshijila, bu mudi dima dipatuka pa kubundubundu.

Mukanda wa Nzambi Dihungila Dikulukulu ne Dihungila Dihia-dihia 2003

³ Bantu bebe badi badifila kûdi ne disanka mu dituku diudi ukungisha misumba ya masalayi ebe. Bansongalume bebe badi balua kûdi bu mume, baluate biabo bilenga bia tshijila, bahatuke munda mua lunkelu.

Misambu 110:3 交叉引用

Balombodi 5:2

Mu Izrayele, muntu yonsu mmusulule nsuki yende. Bena Izrayele mbadifile ku mvita: Nuele Maweja-Nangila tuasakidila!

Ebrewu 13:21

Mvidi Mukulu wa bupole anupe bukole bua kuenza malu onsu adi mimpe bua nukumbaje tshidiye musue. Enze munda muetu malu adi amusankisha, kudi Yezu Kristu, udi ne butumbi mu nkama ne nkama ya bidimu. Amene.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

1 Tesalonike 4:7

Mvidi Mukulu kena mutubikile bua tuikale bena tshiendenda, kadi amu bua tuikale bantu ba tshijila.

Efeze 1:4

Mvidi Mukulu ukavua mutunange, kayi muanji kufuka buloba. Ukavua mutusungule bua tuikale bende mu Kristu, tuikale ba tshijila, katuyi ne kalema kumpala kuende. Bu muvua Mvidi Mukulu mutunange,

Didimanyisha 7:9

Malu aa mamane kupita, meme kutangila kabidi, kumona bantu bapite bungi, kabayi kubala. Bavua ba mu matunga onsu, ba meku onsu, ba bisamba bionsu, ne ba miakulu yonsu. Bavua bimane kumpala kua nkuasa wa butumbi, ne kumpala kua Muana wa mukoku, bavuale mintumpu mitoke, bakuate malala mu tshianza.

2 Korente 13:4

Bushuwa uvua muteketele bantu bayua bamupopele ku mutshi mutshiamakane. Kadi mpindiewu udi ne muoyi ku bukole bua Mvidi Mukulu. Tuetu kabidi, badisange nende, tudi ne butekete. Kadi netupete muoyi pamue nende ku bukole bua Mvidi Mukulu. Nenujadike bualu ebu.

2 Korente 8:16

Tudi tuela Mvidi Mukulu tuasakidila, bualu uvua mupeshe Tite disuminyina bualu buenu ditudi tuetu kabidi nadi!

2 Korente 8:12

Panudi nufila ne muoyi wa kalolu, Mvidi Mukulu neapime binudi nufila bilondeshile binudi nabi; kakubipima bilondeshile binudi kanuyi nabi.

Bienzedi 21:20

Bamane kumvua bionsu abi, kutumbishabu Mvidi Mukulu. Pashishe kuambilabu Polu ne: — Muanetu, udi mumone mukadi bena Yuda bitaba Yezu binunu ne binunu. Kadi buonsu buabu batshidi amu bakumbaje bimpe mikenji ya Moshe.

Misambu 96:9

Nuenu bantu ba pa buloba bujima, kukuilayi Maweja-Nangila, bavuala bilamba bia tshijila, padiye uleja bunema buende bua tshijila, nuzakale kumpala kuende.

Filipe 2:13

Bualu Mvidi Mukulu udi ukuata mudimu diba dionsu munda muenu, bua nujinge tshidiye musue, nutshikumbaje kabidi.

Bienzedi 2:41

Bantu ba bungi kuitaba miaku ya Petro ayi. Kubatuabu mu mayi. Dituku adi, bantu bu binunu bisatu kubuela mu tshisumbu tshia bena ditaba.

Bienzedi 2:33

Mpindiewu udi muzanjike ku dia bukole dia Mvidi Mukulu. Kupetaye Mueyelu wa Tshijila uvua Tatu mulaye. Ke yeye kututuminawu: ke binudi numona, numvua kabidi lelu ewu.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

1 Kulondolola 16:29

Luayi, samunayi Maweja-Nangila. Tualayi milambu, nuye kumpala kuende. Mutuilayi binu, nudiele panshi, padiye uleja mudiye wa tshijila.

Bienzedi 19:20

Ke muvua muaku wa Mfumu wenda utanta, uleja bukole buawu.

Bienzedi 4:4

Kadi bantu ba bungi bavua bumvue dilongesha edi, kuitababu. Bena ditaba bakavua bu binunu bitanu.

Nehemya 11:2

Bena Yuda bavua basankidila bikole, bela ka lumbandi, bantu bavua badianza kuitaba ku budisuile buabu, bua kuya kusomba mu Yerushalayime.

Yezekiyele 43:12

Ke mukenji munene udi utangila nzubu wa Mvidi Mukulu: miaba yonsu idi inyungulula nzubu pa katongabela ka mukuna, ke miaba ya tshijila menemene.

Balombodi 5:9

Mwoyi wanyi udi kudi balombodi ba bena Izrayele, kudi bantu badi badifila nkayabu ku mvita. Elayi Maweja-Nangila tuasakidila!

Misambu 29:2

Vuayi, nusamune lumu lua Maweja-Nangila. Padiye uleja mudiye wa tshijila, nuiname panshi kumpala kuende.

Mika 5:6

— Bena Izrayele badi bashala ne muoyi munkatshi mua bisamba bia bungi, nebikale bu lumuma ludi Maweja-Nangila ulokesha, bu mvula ulokela pa bisosa. Kabena balomba bantu tshintu, badi batekemena amu Maweja-Nangila.