Misambu 109:18 - MUKANDA WA MYIDI MUKULU

¹⁸ Ikale muntu wa mulawu, mulawu umubuele munda bu mayi, umubuele mu mifuba bu mafuta!

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Wakadiluatshisha kuela kua mulau bu muakadiye uluata tshivualu; mulau ubuele biau tô ne munda muandi bu mai, ubuele biau bu manyi mu mifuba yandi.

Misambu 109:18 交叉引用

Misambu 73:6

Badi baditemba, bu bantu bela mabue a busanga. Tshinyangu ke tshiabu tshivualu tshidi tshibakumbanyina.

Dibadika 5:22

Diba adi mayi aa a kutshipa nawu muntu, akutue munda, akuwuje difu, ushale nkumba.’ Mukaji awu neandamune ne: ‘Amene! Bienzeke nanku!’

Kolose 3:12

Nudi bena Tshisumbu tshia bantu ba Mvidi Mukulu. Mvidi Mukulu mmununange; mmunusungule bua nuikale bende. Nanku nudi ne bua kuikala ne muoyi wa luse, wa dinanga, wa bupuekele, wa bupole, ne wa lutuulu.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

Kolose 3:8

Kadi mpindiewu bengayi bionsu ebi: tshiji, difika munda, tshikisu. Kanupendi muntu, kanuakudi miaku mibi.

Bienzedi 1:25

Apingane Yudase mu mudimu wa bupostolu. Bualu Yudase mmuushiye, muye ku wende muaba.

Bienzedi 1:18

(Muntu awu uvua musumbe budimi ne makuta avuabu bamufute bua bualu bubi buvuaye muenze. Kuponaye mu budimi amu, mutu panshi. Mubidi wende kutayika, bia munda bionsu kuya panshi.

Matayi 26:24

Muana wa muntu neafue, mudi Mikanda ya tshijila kulongesha bualu buende. Kadi muntu wapangila Muana wa muntu, mmuena diakabi. Muntu awu kabavua nansha mua kumulela to.

Yobe 29:14

Meme kuvuala buakane bu tshilamba. Kanemu ka tshintu tshia bende kavua mu tshinkutu ne mu tshifulu tshianyi.

Dibadika 5:27

Mukaji munue mayi, bidi ne bua kuenzeka mbiobi ebi: yeye mudinyange bushuwa, mudinge bayende, nanku mayi a bululu neamutue munda, amuwuje difu, ashale nkumba. Nanku neikale tshilejilu tshidi bantu batshipangane natshi, batela dina diende.

Misambu 109:19

Ikale nawu bu tshilamba tshidiye udijingila, ne bu mukaba udiye uvuala matuku onsu.”