Misambu 109:15 - MUKANDA WA MYIDI MUKULU

¹⁵ Maweja-Nangila avuluke malu aa matuku onsu, umbushe tshivulukilu tshia bantu abu mu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Malu â ikale ku mpala kua Yehowa misangu yonso, bua yeye umushe divuluka dia bantu aba ha buloba.

Misambu 109:15 交叉引用

Misambu 34:16

Maweja-Nangila udi utangila bantu bende, uteleja padibu bamubila.

Misambu 90:8

Wewe udi muleje malu etu mabi patoke, butoke buebe budi bukenkesha malu etu masokome.

Yobe 18:17

Bantu kabakumuvuluka kabidi mu ditunga. Kabakutela dina diende muaba nansha umue.

Misambu 51:9

Ukupule bubi buanyi, ungoweshe, ntoke zezeze. Nanku tshiakuikala kabidi muena tshibawu.

Amosa 8:7

Maweja-Nangila mmuditshipe ne: “Bena Izrayele badi baditambisha bua ditunga diabu, kadi kashidi tshiena mua kupua malu abu mabi muoyi.”

Yirmeya 2:22

Izrayele, nansha wewe muowe mayi ne nsabanga, nansha wewe mudilabe nsabanga wa bungi, bubi buebe kabuena bujimina to. Budi amu bumueneka pambidi pebe pandi nkutangila. Meme Maweja-Nangila Mvidi Mukulu, ndi njadika nanku.

Yeshaya 65:15

Bantu banyi nebangate dina dienu, bua kutshipa nadi bantu bakuabu. Nebambe ne: “Maweja-Nangila Mvidi Mukulu akushipe, bu mudiye mushipe kampande nansha kansanga.” Kadi, bantu banyi badi bandamate, nebapete dina dikuabu.

Misambu 109:13

Ndelanganyi yende ifue, dina diende dijimine mu tshikondu tshidi tshilonda!

Dielulula 32:34

Meme ndi Maweja-Nangila, teleja tshindi ndongolola mu musokoku, bua kukengesha baluishi benu.

Osheya 7:2

Kabena bela meji ne: meme Maweja-Nangila ndi mumanye bionsu bidibu benza. Mpindiewu, bubi buabu mbubajingile bu mionji. Ndi mmona bionsu abi.

Misambu 34:17

Maweja-Nangila udi ukina benji ba bibi, ukupula mena abu pa buloba.