Misambu 109:14 - MUKANDA WA MYIDI MUKULU

¹⁴ Bavuluije Maweja-Nangila bilema bia tatuende ne bia kakuende wa balume, kababuikidi malu mabi a mamuende nansha!

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Malu a tshishiku a batatu bandi avulukibue ku mpala kua Yehowa kababuikidi bubi bua mamuʼandi.

Misambu 109:14 交叉引用

Nehemya 4:5

Baluishi betu bavua bela meji ne: tuetu katuena mua kumanya bualu, katuena mua kubamona, too ne pafikabu ne mvita munkatshi muetu, bua kutushipa ne kutulekesha mudimu.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Yirmeya 18:23

Wewe Maweja-Nangila udi mumanye bionsu, bidibu benza bua kunshipesha. Kuena mua kubafuila luse. Kuena mua kulengulula bilema biabu. Ubele panshi, ubaleje tshiji tshiebe!

Yeshaya 43:25

Kadi, nansha nanku, ndi nkufuila amu luse bua buntomboji buebe. Tshiena musue kuvuluka kabidi bilema biebe. Ke mundi meme nanku.

2 Bakalenga 11:1

Ataliya, mamuende wa mukalenga Akaziya, kupeta lumu lua lufu lua muanende. Nanku, kuelaye meji a kushipa ndelanganyi yonsu ya mu diku dia bukalenga.

2 Bakalenga 9:27

Akaziya, mukalenga wa bena Yuda, umona bionsu abi, kunyemaye kuya luseke lua ku Bete-Gane. Kadi, Yehu kumulondakaja. Kutuminaye bantu bende diyi bua bashipe kabidi Akaziya. Nanku, kuasabu Akaziya patshivuaye wendesha ditempu diende mu njila wa ku musoku wa Ngure, pabuipi ne tshimenga tshia Ibleyame. Kadi, Akaziya kunyema, kuya kufuila mu tshimenga tshia Megido.

2 Bakalenga 8:27

Akaziya uvua muenze buenzayi anu bu muvua bena diku dia Akabe benza. Uvua wenza bidi Maweja-Nangila ubenga, anu muvuabu benza kudi baku bende bena diku dia Akabe.

2 Samuele 21:1

Tshikondu tshivua Davide mu bukalenga, tshiyole tshia nzala kushala mu ditunga bidimu bisatu bilondangane. Mukalenga Davide kukonka Maweja-Nangila bua tshiyole atshi. Maweja-Nangila kuandamuna ne: — Nudi mu tshiyole, bualu Shawule ne bantu bende mbena tshibawu: bavua bashipe bena Ngibone.

2 Samuele 3:29

Amu Yowabe ne bena mu nzubu wende bonsu, ke bena tshibawu. Ku ndelanganyi yende mu bikondu bionsu, muntu neapete disama dia tufina tupatuka mu mubidi, nansha nsudi, ikale wenda ne dikombu, afue ku muela wa mvita, apanga biakudia!

Lewitiki 26:39

Bena Izrayele bakese bikale bashale ne muoyi mu matunga a baluishi babu, nebabutuke bua mibi yabu ne ya bankambua babu.

Ekesode 34:7

Ndi mfuila bantu luse too ne ku ndelanganyi tshinunu, mbajimijila bubi buabu, buntomboji ne ditupakana diabu. Kadi, tshiena mbingisha muntu udi mupile. Ndi nnyoka bana ba ndelanganyi misatu nansha minayi bua buenzayi bua baledi babu.”