Misambu 107:4 - MUKANDA WA MYIDI MUKULU

⁴ Kulalakanabu mu tshipela, mu njila ya lusenga, nanshabu kumona njila wa kuya ku musoku uvua bantu basombe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bakendakana mu tshihela, mu tshihela tshia lusenga muakadi kamuyi nshila; kabakasangana musoko bua kushikamamu.

Misambu 107:4 交叉引用

Dielulula 32:10

Maweja-Nangila kusangana bena Izrayele mu tshipela, munkatshi mua miadi ya mibuabua. Kubakubaye, kubalongeshaye, kubalamaye bu mudi muntu ulama disu.

Yezekiyele 34:12

Nenyisangishe muaba umue amu bu mudi mulami wenza padi mikoku yende mitangalake. Nennye kukeba mikoku yanyi miaba yonsu ivuayi numuangalake dituku dia tshipepele tshikole.

Yezekiyele 34:6

Eyowa, mikoku yanyi mmilalakane mu mikuna minene ne mikese, pashishe mmitangalake miaba yonsu pa buloba bujima, kakuyi muntu udi nayi bualu, uya kuyikeba.

Dibadika 14:33

Kadi bana benu nebashale mu tshipela emu bidimu makumi anayi, badisha amu bimuna biabu. Nebashale pabu mu dikenga bua dintombokela dienu, too ne panuabutuka bonsu, nuenu baledi babu.

Didimanyisha 12:6

Mukaji kunyemena mu tshipela, muvua Mvidi Mukulu mumulongoluele muaba, bua kumudishilamu matuku tshinunu nkama ibidi ne makumi asambombu.

Ebrewu 11:38

Buloba kabuvua buakanyine bantu abu! Bavua bendakana mu bipeta ne mu mikuna, basomba mu mbuebue ne mu mena mu buloba.

Misambu 107:40

Maweja-Nangila udi upepeja baneme, ubalekela balalakana mu tshipela, kabayi bamona njila.

Yobe 12:24

Udi utshimbisha bamfumu ba matunga, ubatambakajija mu tshipela kamuyi njila.

Dielulula 8:15

Kunupitshishaye mu tshipela tshinene tshidi tshikuata bowa, tshiena ne nyoka ya lulengu, ne tuminyiminyi, kamuyi mayi. Kunupatuilaye mayi mu lubuebue luvua lupite bukole.

Dibadika 32:13

Nanku Maweja-Nangila mmufikile bena Izrayele bonsu munda, mubaladike mu tshipela bidimu makumi anayi, bua bantu bonsu bavua bamutombokela abu babutuke.