Misambu 104:5 - MUKANDA WA MYIDI MUKULU

⁵ Udi mushindike buloba pa bitaku biabu, kabuena mua kutenkakana too ne kashidi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Wakajadika buloba ha bishimikidi biabu, bua kabunyungi tô ne kashidi.

Misambu 104:5 交叉引用

Yobe 26:7

Amu Mvidi Mukulu ke udi mubalule tshibuashibuashi, mubalule buloba bulembelela anu tshianana.

Misambu 24:2

Yeye ngudi mushindike buloba pa mayi manene, bua mavuala kaabunyungishi.

Misambu 33:9

Udi wakula, etshi tshienzeka! Utuma diyi, tshiatshia tshipatuka!

Misambu 96:10

Nuambile bantu bonsu ne: “Maweja-Nangila udi mukalenga, buloba budi bushindame kabuena bunyunga, Maweja-Nangila udi ukosa nsambu ya bantu amu pa yoyi.”

Didimanyisha 20:11

Pashishe meme kumona nkuasa munene mutoke wa butumbi, ne uvua musombepu. Buloba ne diulu bivua bimunyema lubilu, bijimina kashidi.

2 Petro 3:10

Kadi dituku dia Mfumu nedifike bu muivi. Dituku adi diulu nedibutuke ne mutoyi mukole. Kapia nekoshe bia mulu bionsu. Buloba ne bidipu bionsu nebijimine.

Misambu 136:6

Kujadikaye buloba pa mayi manene, bualu dinanga diende ndia kashidi.

Misambu 93:1

Maweja-Nangila udi mukalenga, udi mudijingile butumbi bu mudibu badijingila tshilamba, udi muvuale bukole, bu mudibu bavuala mukaba. Buloba budi bushindame, kabuena mua kunyunga.

Didimanyisha 6:14

Diulu kujimina, bu mudi mateta ajimina, padibu bavunga mukanda. Mikuna ne bidiila bionsu kutentamuka miaba yabi.

Muambi 1:4

Bantu badi balelangana, bafua. Badibu balela bafua kabidi. Kadi buloba budi bushala kashidi amu muvuabu.

1 Samuele 2:8

Udi ujula mupela uvua mudishinde panshi. Umushe ku diala muena dikenga udibu bimansha, bua kumusombesha miaba ya lumu, pamue ne bantu banene. Buloba bujima budi bua Maweja-Nangila. Yeye ke udi mubuimanyike pa makunji abu.

Misambu 119:90

Bulelela buebe budi bushala bidimu nkama ne nkama. Wewe kufuka buloba kushalabu;

Nsumuinu 8:29

Uvua muenzele mayi manene mikalu yawu, bua kaasambuki pa buloba buume. Uvua mushindike buloba bikole panshi.