Misambu 103:3 - MUKANDA WA MYIDI MUKULU

³ Yeye ke udi umbuikidila malu mabi anyi onsu, ondapa masama anyi onsu,

Mukanda wa Nzambi Dihungila Dikulukulu ne Dihungila Dihia-dihia 2003

³ Udi umbuikidila malu mabi ebe onso, udi ushikisha mabedi ebe onso;

Misambu 103:3 交叉引用

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Yeshaya 53:5

Kadi bavua bamutape mputa, amu bua mibi yetu. Bavua bamukengeshe, amu bua buenzayi buetu. Bavua bamunyoke yeye, bandekele tuetu babinga. Bavua bamutuute bikole, kutulekela tuetu, kabayi nansha batulenga pambidi.

Misambu 30:2

Maweja-Nangila, ndi nkutumbisha, bualu uvua mumpandishe, kuvua muanyishe bua baluishi banyi banseke.

Yirmeya 17:14

Maweja-Nangila nempete bukole, anu paudi wewe ujikija disama dianyi. Nempande, anu paudi wewe umpandisha. Bualu undi mua kutumbisha pa bualu udi anu wewe nkayebe.

Misambu 147:3

Udi usamba bantu badi ne dibungama mu muoyi, ubondapa padibu batapika.

Yakobe 5:15

Panudi ntendelela ne ditaba, Mvidi Mukulu neapandishe mubedi, amupingajile bukole bua mubidi, ajimije mibi yende.

Yeshaya 43:25

Kadi, nansha nanku, ndi nkufuila amu luse bua buntomboji buebe. Tshiena musue kuvuluka kabidi bilema biebe. Ke mundi meme nanku.

Marke 2:5

Yezu mumane kumona ditaba dia bantu abu, kuambilaye muena tuneke ne: — Muananyi, mbakujimijile mibi yebe.

Dibadika 12:13

Moshe kulomba Maweja-Nangila, wamba ne: — Mvidi Mukulu wanyi, anyisha ondapa disama edi!

Misambu 130:8

Yeye ke udi mua kunusungidila ku bilema bienu bionsu.

Efeze 1:7

Mvidi Mukulu mmutupikule ku bubi, mmutujimijile mibi yetu yonsu ku mulambu wa lufu lua Yezu Kristu. Ke muvuaye mutuleje ditunanga diende dia dikema.

2 Samuele 12:13

Davide kuandamuna muambi Natane ne: — Ndi mumanye ne: ndi muenze bibi kumpala kua Maweja-Nangila. Muambi Natane kumuambila ne: — Nanku, Maweja-Nangila udi ukufuila luse. Kuena ufua to.

Yeshaya 33:24

Mu Yerushalayime kamuakuikala muntu, udi wamba ne: “Ndi nsama”. Bualu bantu ba mu thimenga atshi, mbamane kubafuila luse bua tshilema tshiabu.

Ekesode 34:7

Ndi mfuila bantu luse too ne ku ndelanganyi tshinunu, mbajimijila bubi buabu, buntomboji ne ditupakana diabu. Kadi, tshiena mbingisha muntu udi mupile. Ndi nnyoka bana ba ndelanganyi misatu nansha minayi bua buenzayi bua baledi babu.”

Misambu 41:8

Badi bankina, badi badikungija, bantela, banungana, banjingila lufu, bamba ne:

Misambu 86:5

Maweja-Nangila wewe udi muakane, udi ne muoyi wa kufuila bantu luse, ne wa kupesha badi bakubikila bintu.

Misambu 130:4

Wewe udi ne luse, ke padi bantu bakunemeka.

Yeshaya 38:17

Eyowa, kanyinganyinga nkandamuke diakalenga. Udi munnange bushiwa, mungumushile lufu. Wewe kuangata bilema bianyi bionsu, kubiela panyima kule kutambe.