Misambu 103:14 - MUKANDA WA MYIDI MUKULU

¹⁴ Yeye udi mumanye tshitudi, udi uvuluka ne tudi bafuka ne lupuishi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bua yeye udi mumanye buntu buetu, udi uvuluka ne tudi dinfuenkenya.

Misambu 103:14 交叉引用

Muambi 12:7

Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

Yobe 10:9

Uvuluke muuvua mumfumbe ne buloba bua diima. Ukadi ukeba kumpingaja mu lupuishi anyi?

Misambu 89:47

Maweja-Nangila, neusokome kashidi anyi? tshiji tshiebe netshioshe bu kapia too ne diba kaayi?

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Yobe 7:21

Kuena mua kulengulula tshilema tshianyi, kungumvuila luse bua tshinyi? Nkadi mikolu ku tshiina, mulale mu lupuishi, neunkebe, tshiakuikalapu to.

Yeshaya 29:16

Nudi bantu batshimbakane, panudi nuteka diima ne mudifumbi mulongu umue! Tshintu tshidibu benza kudi muntu, katshiena mua kuambila muntu ne: “Udi mungenze ki ngwewe to.” Luesu ludi mua kuambila mulufumbi ne: “Kuena mumanye mudimu wa ditumba anyi?”

Yobe 13:25

Uudi wipata nnganyi? Ndi amu dibeji didi dipepuka. Uudi amu ulondakaja nnganyi? Ndi amu tshisosa tshimane kuma.

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.