Misambu 102:28 - MUKANDA WA MYIDI MUKULU

²⁸ Kadi wewe kuena ushintuluka, matuku ebe a muoyi kaena ne nshikidilu wawu.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Bana baledibue ba bantu bebe nebashikame mu buloba talalâ, ne tunkanunuma tuabo netujadikibue ku mpala kuebe.

Misambu 102:28 交叉引用

Yeshaya 66:22

Maweja-Nangila udi wamba ne: ndelanganyi yebe ne dina diebe nebishale kashidi kumpala kuanyi, amu mudi diulu dipiadipia ne buloba bupiabupia bindi mfuka bua kashidi.

Yeshaya 65:22

Kukuasa kabidi nzubu, bua muntu mukuabu kumuangata to. Kakukuna kabidi bintu, bua muntu mukuabu kusanka nabi to. Bantu banyi nebalale panu baboboke, amu mudi mitshi ilala bidimu ne bidimu. Bantu bandi nnanga nebasanke ne bintu bivuabu bapete ku midimu ivuabu bakuate.

Yeshaya 53:10

Kadi Maweja-Nangila uvua muanyishe muena mudimu wende uvuabu bakengeshe. Bu nuwuaye mufile muoyi wende pa mutu pa bantu bakuabu, muena mudimu awu neapete muoyi tshiakabidi, neikale ne ndelanganyi mivule, neashale matuku mavule pa buloba. Yeye ke wakumbaja meji adi Maweja-Nangila nawu.

Misambu 89:4

Wewe uvua muambe ne: “Mvua mutue ndondu, ne muntu umvua musungule, ne Davide muena mudimu wanyi, mvua mumulaye ne:

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?

Yobe 10:5

Matuku ebe adi mabala ku minu bu etu anyi? Bidimu biebe bidi bikese bu bia bantu anyi?

Yeshaya 41:4

Uvua muenze bualu ebu nnganyi? Amu yeye udi mudianze kuamba bivua ne bua kuenzeka. Ke meme Maweja-Nangila, ndi ndudika malu a bantu. Ndiku, padibu babanga malu, nengikaleku, padibu baajikija.

Yeshaya 43:13

Nengikale Mvidi Mukulu kashidi. Muntu kakungenzeja malu ku bukole. Muntu kakukudimuna bindi ngenza to.

Malaki 3:6

“Meme Maweja-Nangila tshiena nkudimuka. Kadi nuenu kabidi nudi basue kushala kashidi ndelanganyi menemene ya Yakobe.