Misambu 102:23 - MUKANDA WA MYIDI MUKULU

²³ padisangisha bantu popamue, padisangisha makalenga bua kutendelela Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²³ Wakutekesha bukole buanyi mu nshila mundi nyilamu; wakukehesha matuku anyi.

Misambu 102:23 交叉引用

Yobe 21:21

Bualu muntu mumane kufua, diakalenga anyi diakabi, dia bana babu kadiena dimutangila kabidi yeye to.

Yeshaya 2:2

Dituku dikuabu mukuna udibu base nzubu wa Mvidi Mukulu, neupite mikuna yonsu, neuyipite ku bule. Bisamba bionsu nebiutantshile, bibodiokamu.

Yeshaya 2:3

Bantu bavule nebayemu, benda bamba ne: “Tuyayi! Tubande pa mukuna wa Maweja-Nangila. Tubuele mu nzubu wa Mvidi Mukulu wa Yakobe. Atulongeshe tshidiye musue bua tuetu kuenza. Netulonde njila udiye utuleja.” Eyowa, dilongesha dia Maweja-Nangila didi difumina mu Siyone, muaku wende udi upatukila mu Yerushalayime.

Yirmeya 3:17

Bualu tshikondu atshi, nebinyike Yerushalayime ne: “Nkuasa wa bukalenga bua Maweja-Nangila.” Bisamba bionsu nebisangile mu Yerushalayime bua kuntumbisha. Nebalekele tshitunu tshivuabu natshi tshia kuenza buenzayi bu bantu bapale.