Misambu 10:17 - MUKANDA WA MYIDI MUKULU

¹⁷ Maweja-Nangila, wewe udi umvua majinga a bantu bapuekele, ubakolesha ku muoyi. Wewe udi uteleja ne ntema bua kubambuluisha,

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yehowa, wewe wakunvua kulomba kua badi ne mitshima mihuekele; udi ujadika mitshima yabo, udi uteleja matshu ebe kudibo.

Misambu 10:17 交叉引用

Misambu 145:19

Udi witaba malomba a badi bamulamate, ubasungidila padiye umvua bamubila.

2 Kulondolola 34:27

Uvua muteleje bimpe tshindi muambe bua Yerushalayime ne bua bantu bonsu badimu. Wewe uvua unyingalala, uvuluka bubi buebe kumpala kuanyi, upanda bilamba biebe, udila muadi. Nanku, ndi nkujadikila ne: ndi mumvue dilomba diebe.

Misambu 34:15

epuke bubi, enze bimpe, asuminyine ne dikeba bupole mu bantu.

1 Petro 3:12

Bualu Maweja-Nangila udi utangila badi benza malu mimpe, uteleja ditendelela diabu. Kadi udi uluisha badi benza bibi.”

Yeshaya 65:24

Kabayi banji kumbikila, meme nembitabe. Kabayi banji kujikija dindomba, meme nkadi mumane kumvua.

Misambu 37:4

Disanka diebe dikale amu kudi Maweja-Nangila. Nanku neakupeshe bionsu biudi umulomba.

1 Kulondolola 29:18

Maweja-Nangila, Mvidi Mukulu wa bankambua betu, Abrahame, Izake ne Yakobe, anyisha bua bantu bebe balame muoyi wa mushindu ewu munda muabu matuku onsu, batume meji abu kuudi kashidi.

Misambu 9:12

Tumbishayi Maweja-Nangila ne misambu. Nkuasa wende udi pa mukuna wa Siyone. Numanyishe bukua bisamba bidiye muenze.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

Yakobe 4:10

Nudipuekeshe kumpala kua Mfumu. Yeye neanubandishe.

Nsumuinu 16:1

Muntu udi wela meji bua kuenza bualu kampanda munda muende. Kadi Maweja-Nangila ke udi mua kuamba muende mua ndekelu mudiye mumone.

Misambu 102:17

Padi Maweja-Nangila wibakulula Siyone, padiye umueneka mu butumbi buende,

2 Kulondolola 30:12

Mu bukalenga bua Yuda, Maweja-Nangila kuambuluisha bantu, bua bitabe bonsu ne muoyi umue mua kukumbaja bionsu bivua mukalenga Izkiya ne bakulu babambile mu dina dia Maweja-Nangila.

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”

Efeze 3:12

Pamue ne Kristu, utudi tuitaba, tudi mua kusemena kudi Mvidi Mukulu, kumutekemena muetu muonsu.

Efeze 2:18

Bualu bua Kristu, tuetu bonsu, bena Yuda ne bantu ba bisamba bikuabu, bonsu basanga kudi Mueyelu wa Tshijila, tudi mua kusemena pabuipi ne Mvidi Mukulu.

Rome 8:26

Ke mudi Mueyelu wa Tshijila kabidi utuambuluisha, bualu tudi bena butekete. Katuena bamanye mutudi ne bua kutendelela, ne bitudi ne bua kulomba nansha. Kadi Mueyelu wende udi utulombela kudi Mvidi Mukulu, utua mikemu idi kayiyi yumvuika bu miaku ya bantu.

Matayi 5:3

— Bantu badi batekemena amu kudi Mvidi Mukulu, ke bena diakalenga, bualu nebikale nende mu Bukalenga bua mu diulu!

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Nsumuinu 10:24

Tshidi bantu babi batshina tshidi tshibatulukila. Tshidi bantu bakane bajinga badi batshipeta.

Misambu 9:18

Bantu babi bonsu badi bapua Mvidi Mukulu muoyi, bapingane mu kandondu ka bafue.

2 Kulondolola 29:36

Izkiya ne bantu bavuaye nabu kusanka bua pavua Maweja-Nangila mubambuluishe, bua kujikija bionsu abi lukasa.