Mika 7:17 - MUKANDA WA MYIDI MUKULU

¹⁷ Nebadie lupuishi, bu mudi nyoka ne bilandadi bionsu. Nebipatuke mu mena abi, nebiye ne luzakalu kumpala kua Maweja-Nangila, Mvidi Mukulu wetu. Nebatshine bukole buende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nebalake dinfuenkenya bu nyoka bu bintu bia ha buloba bidi bidikoka hanshi, bobo nebahatuke ku mena abo ne dizakala. Nebakanke ku mpala kua Yehowa Nzambi wetu, bakuatshike buowa; nebatshine bua bualu buenu kabidi.

Mika 7:17 交叉引用

Yeshaya 49:23

Bana bebe nebabadishe kudi bakalenga bakaji ba mu matunga. Nebabakoleshe kudi bakalenga ba matunga. Nebatue mpala panshi kumpala kuebe. Nebakunemeke, balaka lupuishi lua ku makasa ebe. Nenku neumanye, mundi Maweja-Nangila, mudi bonsu badi batekemena kundi kabayi bafue bundu musangu nansha umue.

Misambu 72:9

Baluishi bende nebatue binu kumpala kuende. Bena lukuna nebadiele panshi, bamukukuile.

Misambu 18:45

Badi bumvua amu muaku wanyi, bitaba. Bantu benyi badi balabidila kundi.

Didimanyisha 3:9

Umvuayi tshingenzela tshisumbu tshia bena diabolu, bena dishima aba, badi badiamba mudibu bena Yuda, kadi kabayi nanku. Nembenzeje ku bukole, bua badiele panshi ku makasa ebe bua kukunemeka. Nebajadike mundi mukunange.

Zekâya 14:5

Nenunyemene mu tshibandabanda etshi, tshidi tshienzeka pankatshi pa mikuna, bualu netshialabale too ne ku Ashale. Nenunyeme muvua bankambua benu banyeme, pavua tshikumina tshienzeka, tshikondu tshivua Uziya mukalenga wa ditunga dia Yuda. Nanku Maweja-Nangila Mvidi Mukulu wanyi neafike, ne batumibue bende badi bamukuatshila mudimu.

Muadi 3:29

Atue mishiku panshi, mutekemene ne: Maweja-Nangila neangambuluishe.

Yirmeya 33:9

Nanku, nengikale ne disanka pa kutela dina dia Yerushalayime. Tshimenga etshi nentshikebele lumu ne butumbi kudi bisamba bionsu bia pa buloba. Padi bantu bajingulula malu mimpe amvua muenzele Yerushalayime, nebazakale. Nebakanke pamonabu diakalenga ne disanka bimvua mupeshe bena tshimenga etshi.

Yirmeya 16:16

Maweja-Nangila udi wamba ne: ndi ntuma bilembi bia bungi bua bikuate bena Yuda, mudibu bakuata minyinyi ya mu mayi. Pashishe ndi ntuma bilembi bia bungi bua bibakebe miaba yonsu, mudibu bipata nyama mu mikuna minene ne mikese, too ne mu mbuebue.

Yeshaya 65:25

Nyama wa mubuabua ne kana ka mukoku nebidiile pamue. Nyama wa ntambue neadie bisosa bu ngombe. Nyoka bua kudiaye, neadie amu lupuishi. Maweja-Nangila udi wamba ne: Bantu kabakuenza kabidi bibi, nansha kukengesha muntu nabu pa mukuna wanyi wa tshijila to.

Yeshaya 64:2

pawenza malu adi atukuatshisha bowa, atuvua katuyi batekemene. Eyowa, pawapueka, mikuna neizakale kumpala kuebe.

Yeshaya 60:14

Bantu bavua bakukengesha, nebasemene kuudi, nebiname panshi. Bantu bonsu bavua bakulembakaje, nebadiele ku makasa ebe. Nebakuinyike ne: “Ke tshimenga tshia Maweja-Nangila”, “Ke Siyone musoku wa wa tshijila wa bena Izrayele.”

Yeshaya 59:19

Nenku bantu nebatshine Maweja-Nangila. Nebanemeke butumbi buende, bituadije luseke ludi diba dipatukila, too ne luseke ludidi dibuelela. Neafike lubilu, bu musulu wa muenji mukole, udibu basakila kudi tshipepela.

Yeshaya 25:3

Nanku bantu ba bukitu, nebakutumbishe. Bantu ba mu bimenga bivua bikengesha bantu ne tshikisu, nebakunemeke.

Misambu 9:20

Maweja-Nangila juka, muntu kalupitshi bukole! Bikila bisamba bidi bikubenga, ubilumbuluishe.

1 Samuele 14:11

Bonsu babidi, kuya kudileja kudi bena Peleshete. Bobu abu kuambilangana ne: “Akia! Monayi bena Ebrewu bapatuke mu biina muvuabu basokome.”

Yoshua 9:24

Bena Ngibone kuandamuna ne: — Teleja tshitudi benzela bionsu ebi. Tuetu tuvua bamane kumvua muvua Maweja-Nangila Mvidi Mukulu webe muambile Moshe, muntu wende, bua kunupa ditunga edi dijima. Uvua mumane kunuambila bua nuenu kubutula bena ditunga edi ku kakese ku kakese, panudi nuenda nusemena. Nanku tuvua banutshine bikole. Tuvua bakeba kudipandisha ku lufu.

Dielulula 32:24

Nzala mimane kutekesha bena Izrayele, mubidi luya ne disama dia tshiambu bimane kubakuata, nembatumine nyama ya lonji, kabidi ne nyoka ya lulengu.

2 Samuele 22:46

Kabatshiena bantuila nkanana. Badi bapatuka miaba idibu basokome, bazakala.

2 Kulondolola 17:10

Makalenga onsu avua ku mutumba kua ditunga dia bena Yuda, kutshinawu Maweja-Nangila. Muntu nansha umue kavua mua kuluisha Yosafate to.

Misambu 72:11

Bakalenga bonsu nebamukukuile, bisamba bionsu nebimuenzele mudimu.

Yeshaya 7:19

Bishi bionsu ebi nebifike, nebikile mu mbuwa, mu milundu ya mbuebue, mu bipuka bia meba, ne mu bijibajiba bionsu.