Matayi 9:8 - MUKANDA WA MYIDI MUKULU

⁸ Bantu bamona bualu abu, kutshinabu bikole. Kutumbishabu Mvidi Mukulu, bualu mmupeshe bantu bukole bua mushindu ewu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi bakatangila bantu bualu ebu, bakatshina, bakatumbisha Nzambi, bualu bua yeye wakaha bantu bukole nunku.

Matayi 9:8 交叉引用

Luke 7:16

Bantu bonsu kumvua bowa. Kutumbishabu Mvidi Mukulu, bamba ne: — Muambi munene mmupatuke munkatshi muetu! Mvidi Mukulu mmufike bua kusamba bantu bende!

Matayi 15:31

Nanku bantu kukema patuabu bamona tumama tuakula, bena tuneke bumvua bimpe, batebuki benda, bampofu bamona. Kutumbishabu Mvidi Mukulu wa Izrayele.

Bienzedi 4:21

Bena Tshipangu kubakanyina tshiakabidi, pashishe kubalekelabu. Kabavua ne mushindu wa kubanyoka, bualu bantu bonsu bavua batumbisha Mvidi Mukulu bua bivua bienzeke.

Luke 23:47

Mfumu wa basolayi ba bena Rome umona bivua bienzeka, kutumbishaye Mvidi Mukulu, wamba ne: — Bushuwa, muntu ewu kavua ne bualu to.

Luke 17:15

Umue wa kudibu umona ne: disama dianyi ndijike, kupinganaye kudi Yezu, wenda utumbisha Mvidi Mukulu ne diyi dikole.

Marke 2:12

Diakamue patshivua bantu bonsu bamutangila, muntu kujuka, kuambula tshiata tshiende, kuyaye. Bonsu kukema bikole. Bavua batumbisha Mvidi Mukulu, bamba ne: — Katshia katuena banji kumona bualu bua mushindu ewu!

Ngalate 1:24

Ke muvuabu bela Mvidi Mukulu tuasakidila, bua bivuaye mungenzele.

Yowanane 15:8

Butumbi bua Tatu wanyi budi bumueneka, panudi nukuama bimuma bivule, kabidi nudileja nanku munudi balongi banyi.

Luke 13:13

Yezu kumutenteka bianza. Diakamue mukaji kuololoka, kutuadija kutumbisha Mvidi Mukulu.

Bienzedi 11:18

Miaku ayi kubatalaja. Kutumbishabu Mvidi Mukulu, bamba ne: — Bushuwa, Mvidi Mukulu mmupe kabidi bantu ba bisamba bikuabu bukole bua kudilengeja, bua bapete muoyi mulelela.

Bienzedi 21:20

Bamane kumvua bionsu abi, kutumbishabu Mvidi Mukulu. Pashishe kuambilabu Polu ne: — Muanetu, udi mumone mukadi bena Yuda bitaba Yezu binunu ne binunu. Kadi buonsu buabu batshidi amu bakumbaje bimpe mikenji ya Moshe.

Marke 7:37

Bantu bonsu bavua bakema bikole bamba ne: — Malu onsu adiye muenze adi amu mimpe: bena mapapa badi bumvua, tumama kabidi tudi tuakula!

Matayi 28:18

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

Matayi 12:23

Bantu bonsu bavua bakatshila bivua Yezu wenza, bebejangana ne: — Muntu awu udi mua kuikala Muana wa Davide anyi?

Matayi 5:16

Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

Matayi 9:7

Muntu awu kujuka, kuya kuende.

Luke 2:20

Ke balami ba mikoku kupingana kuabu. Bavua batendelela Mvidi Mukulu, bamutumbisha bua bionsu bivuabu bumvua ne bamona. Bualu bionsu bitua bienzeka amu muvua mutumibue mubamanyishe.

Luke 17:18

Bobu ki mbapingane bua kutumbisha Mvidi Mukulu bua tshinyi? Amu muenyi ewu!

Luke 18:43

Diakamue mpofu kumona bimpe, kulonda Yezu, wenda utumbisha Mvidi Mukulu. Bantu bonsu bavua bamona bualu ebu, kutumbishabu kabidi Mvidi Mukulu.

2 Korente 9:13

Panudi nukumbaja mudimu ewu ne muoyi umue, bantu ba bungi nebatumbishe Mvidi Mukulu bualu buenu. Nebanuele tuasakidila, bua panudi nuitaba Lumu lua Disanka lua Kristu muenu muonsu, kabidi bua muoyi wa kalolu unudi nuabanyangana nabu, kabidi ne bantu bakuabu bonsu, bintu bienu.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.