Matayi 9:6 - MUKANDA WA MYIDI MUKULU

⁶ Kadi ndi musue bua numanye ne: Muana wa muntu udi ne bukole bua kujimija mibi pa buloba. Ke Yezu kuambila muena tuneke ne: — Juka, ambula bulalu buebe, pingana kuebe!

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi bua nuenu mimanye ne, Muana wa muntu udi ne bukole, hatshidiye ha buloba bua kujimisheye mibi (yeye wakambila muena kaneke ne), Bika biebe, ambula bulalu buebe, uye ku nsubu kuebe.

Matayi 9:6 交叉引用

Matayi 9:5

Tshidi tshitekete mua kuamba ntshinyi: “Mibi yebe mmimane kujimina,” anyi “Juka, enda?”

Yeshaya 43:25

Kadi, nansha nanku, ndi nkufuila amu luse bua buntomboji buebe. Tshiena musue kuvuluka kabidi bilema biebe. Ke mundi meme nanku.

2 Korente 2:10

Panudi nufuila muntu luse bua tshilema tshivuaye muenze, meme kabidi ndi mmufuila luse. Bualu pandi mfuila muntu luse — pandi ne tshilumbu tshia kufuila muntu luse — ndi mmufuila bualu buenu kumpala kua Kristu.

Kolose 3:13

Nulengululangane bilema, nufuilangane luse. Misangu yonsu idi muntu tshilumbu ne mukuabu, nulekelangane bilema, muvua Kristu munulekelebi.

Efeze 4:32

Kadi nuikale ne muoyi muimpe, nuambuluishangane. Nufuilangane luse, bu mudi Mvidi Mukulu munufuile luse mu Kristu.

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”

Bienzedi 9:34

Petro kumuamba ne: — Eneyase, Yezu udi ujikija disama diebe! Juka, udilongoluele bulalu! Eneyase kujuka diakamue.

Bienzedi 5:31

Mvidi Mukulu mmumuzanjike ku dia bukole diende; mmumuteke Mfumu ne Mupandishi, bua bena Izrayele badilengeje. Nanku Mvidi Mukulu neabajimijile mibi yabu.

Yowanane 17:2

Bualu uvua mumupeshe bumfumu pambidi pa bantu bonsu, bua apeshe bonsu baudi mumupe muoyi wa tshiendelele.

Yowanane 10:28

Ndi nyipesha muoyi wa tshiendelele. Katshia kayakufua nansha. Muntu nansha umue kena mua kuyinyenga ku tshianza tshianyi.

Luke 5:21

Ke balongeshi ba mikenji ne Baparushe kuela meji ne: — Ewu muntu udi usendeka Mvidi Mukulu nenku nnganyi? Udi mua kujimija bubi nnganyi? Se amu Mvidi Mukulu nkayende!

Marke 2:10

Kadi ndi musue mimanye ne: Muana wa muntu udi ne bumfumu pa buloba bua kujimija mibi ya bantu. Ke kuambilaye muena tuneke ne:

Marke 2:7

“Mudi muntu ewu ne dikima dia kusendeka Mvidi Mukulu nunku mmunyi? Udi mua kujimijilangana mibi nnganyi? Amu Mvidi Mukulu nkayende?”

Matayi 8:20

Yezu kumuandamuna ne: — Nyama ya mibuabua idi ne miaba ya kulala, nyunyi ya kulu ne masua ayi, kadi Muana wa muntu kena ne muaba udiye mua kuikisha, kulala.

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Matayi 9:2

Bantu kufika ne muena tuneke muladike pa bulalu. Yezu umona ditaba dia bantu abu, kuambilaye muena tuneke ne: — Muananyi, kolesha muoyi! Mibi yebe mmimane kujimina!

Matayi 9:7

Muntu awu kujuka, kuya kuende.

Yowanane 5:8

Yezu kumuambila ne: — Juka, ambula tshiata tshiebe, asa luendu.

Yowanane 5:27

Udi mupeshe Muana mudimu wa kulumbuluisha bantu, bualu udi Muana wa muntu.