Matayi 7:6 - MUKANDA WA MYIDI MUKULU

⁶ — Tshintu tshia tshijila, kanutshieledi mbua, bua kayinukudimukidi, ikebe kunusuma. Kanueledi ngulube busanga, bua kayibudiatakaji.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kanuhi mbua tshintu tshia tshijila; kanuedi mabue enu a mushinga mukole hanshi hadi ngulube yendela, kayadiatshi munshi mua bikono, kayandamuki bua kunutuanyakanya.

Matayi 7:6 交叉引用

Nsumuinu 23:9

Kuambidi mutshimbakane bualu. Kena wangata miaku yebe ne mushinga to.

Nsumuinu 26:11

Muntu mutshimbakane udi upingana ku bupote buende, bu mudi mbua udiululula biluishi biende.

Filipe 3:2

Dimukilayi bantu badi benza bibi; dimukilayi mbua eyi. Dimukilayi badi basue kutekesha bantu panshi diteka dia dishima.

Matayi 15:26

Yezu kuandamuna ne: — Ki mbimpe kunyenga bana biakudia, kubielela mbua.

Ebrewu 10:29

Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!

2 Petro 2:22

Malu adi abenzekela adi ajadika bulelela bua nsumuinu ya ne: “Mbua udi upingana ku biluishi bivuaye muluke”, “Ngulube mumane kuowa mayi, udi udibonda mu bitotshi tshiakabidi.”

Matayi 24:10

Tshikondu atshi bavule nebavile ditaba. Nebelelangane tshitungu, bakinangane.

Nsumuinu 11:22

Mukaji mulengele kuisu kadi kayi ne lungenyi munda, udi bu kakanu ka mpawungi, kadibu bela ku diulu dia ngulube.

Ebrewu 6:6

Kadi nansha biobi nanku, badi bapingana mu nsombelu mubi. Kabena mua kukudimuna nsombelu wabu musangu muibidi. Bualu badi bapopela Muana wa Mvidi Mukulu tshiakabidi pa mutshi mutshiamakane, banyishe bua bamupende patoke.

2 Korente 11:26

Mu ngendu yanyi kayiyi kubala, mvua mupete njiwu mu misulu, pavua mayi mapasalale. Mvua mupete njiwu kudi banyenganganyi ba bintu, kudi bana hetu bena Yuda, ne kudi bantu ba bisamba bikuabu. Mvua mu njiwu mu bimenga ne mu bipela, pa mayi manene kabidi. Mvua muyipete ne kudi bana hetu ba dishima.

Nsumuinu 26:4

Kuandamunyi muntu mutshimbakane miaku ya bupote. Tshianana nenufuanangane nende.

Matayi 7:5

Muena mpala ibidi we, bangabanga umusha mutshi munene mu disu diebe, nenku neumone bimpe bua kumusha kasosa kadi mu disu dia muanenu.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!