Matayi 6:5 - MUKANDA WA MYIDI MUKULU

⁵ — Panudi nutendelela, kanuenji bu bena mpala ibidi to. Mbasue kutendelela, bimane mu nzubu ya kutendelela, ne mu masangu a njila, bua bantu bonsu babamone. Ndi nnujadikila bulelela ne: mbamane kupeta difutu diabu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hanuatendelela Nzambi, kanuikadi bu bena lubombo; bobo badi basue kutendelela Nzambi bimana mu nsunagoga ne mu masanga a nshila bua bantu babamone. Bulelela, ndi nuambila ne, Bobo bakumana kuangata difutu diabo.

Matayi 6:5 交叉引用

Matayi 6:2

— Nanku paudi wambuluisha bapele, kukebi bua bantu bakumone bimpe. Bena mpala ibidi badi benza nanku mu nzubu ya kutendelela ne mu misesu. Badi bakeba amu bua bantu babatumbishe. Ndi nnujadikila bulelela ne: mbamane kupeta difutu diabu.

Luke 18:13

Mulambuishi wa bitadi uvua muimane yeye pa bule, kayi nansha ukimina kutangila mu diulu. Kadi uvua udituuta pa tshiadi, wamba ne: “Eyi, Mvidi Mukulu wanyi, ungumvuileku luse. Meme ndi muenji wa malu mabi.”

Marke 11:25

Ne panudi bimane kulu bua kutendelela, panudi bajilangana ne muntu kampanda, numutuile luse, bua Tatu wenu udi mu diulu anulekele mibi yenu kabidi. [

Yirmeya 29:12

Diba adi, nuenu bambikile, bantendelele, meme Maweja-Nangila nennuteleje.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Luke 20:47

Kadi badi banyenga bakaji bakamba nzubu ne bionsu bidibu nabi. Pine apu badi batendelela mutantshi mule bua bamueneke bu bantu bimpe. Kadi nebabanyoke bikole bipite!

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”

Luke 18:1

Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Danyele 6:10

Ke mukalenga wa bakalenga Daryaveshe kufunda dina diende pa mukanda, uvua ne mukenji awu.

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Luke 11:43

“Nuenu Baparushe, nudi bena diakabi! Nudi basue kusomba mu nkuasa ya kumpala mu nzubu ya ditendelela. Nudi banange kabidi bua bantu banuele mioyi ya kanemu mu bisalu.

Matayi 21:22

Bu nuenu nuitaba, nenupete bionsu binudi nulomba mu ditendelela.

Misambu 55:17

Meme ndi mbikila Mvidi Mukulu, bua angambuluishe. Nanku Maweja-Nangila neampandishe.

Misambu 5:2

Maweja-Nangila, umvua bindi ngamba, teleja mikemu yanyi!

1 Tesalonike 5:17

Nutendelele, kanuyi nupungila.

Yowanane 16:24

Too ne mpindiewu kanuena banji kulomba tshintu mu dina dianyi. Lombayi, nenupete, bua disanka dienu dikale dijima.

Marke 12:38

Uvua wambila bantu bavuaye ulongesha ne: — Nudimukile balongeshi ba mikenji. Badi banange mua kuendakana bavuale mintumpu mile, banange bua bahele mioyi ya kanemu miaba idi bantu basangile.

Matayi 9:38

Lombayi kudi muena budimi, bua atume bena mudimu bakumbane bua kubinowa.

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Nsumuinu 16:5

Maweja-Nangila udi udiwula bantu badi baditambisha. Bushuwa neabanyoke kamuyi mpata.

Matayi 23:6

Mu bibilu bia didia, mbasue kusomba miaba ya bantu baneme. Mu nzubu ya ditendelela ya bena Yuda, badi bajinga kusomba miaba mimpe kumpala kua bantu bakuabu.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Matayi 6:16

— Panudi nujila biakudia, kanushadi babungame bu mudi bena mpala ibidi benza. Badi banyenga mpala, bua bantu bonsu babamone ne: mbajile biakudia. Ndi nnujadikila bulelela ne: mbamane kupeta difutu diabu.

Matayi 6:1

— Dimukayi: kanuenji malu enu mimpe bua mesu a bantu, bua kunumonabu. Nuenu benze nanku, Tatu wenu udi mu diulu kena unufuta to.

Matayi 23:5

Badi benza midimu yabu yonsu bua bantu babamone. mBafunde miaku ya tshijila pa mikaba minene, idibu basuika pa mpala nansha ku maboku. Binkutu biabu bidi ne nzemba minene kabidi.

Luke 6:24

“Kadi nuenu babanji, nudi bena diakabi, bualu nukadi bamane kupeta diakalenga dienu!