Matayi 6:12 - MUKANDA WA MYIDI MUKULU

¹² Utufuile luse ku malu etu mabi, bu mutudi tufuila badi batuenzela bibi luse.

Mukanda wa Nzambi Dihungila Dikulukulu ne Dihungila Dihia-dihia 2003

¹² Ulekelele mabanza a malu mabi etu bu mutuakumana kulekela kabidi badi nʼetu mabanza a malu mabi.

Matayi 6:12 交叉引用

Efeze 4:32

Kadi nuikale ne muoyi muimpe, nuambuluishangane. Nufuilangane luse, bu mudi Mvidi Mukulu munufuile luse mu Kristu.

Marke 11:25

Ne panudi bimane kulu bua kutendelela, panudi bajilangana ne muntu kampanda, numutuile luse, bua Tatu wenu udi mu diulu anulekele mibi yenu kabidi. [

Efeze 1:7

Mvidi Mukulu mmutupikule ku bubi, mmutujimijile mibi yetu yonsu ku mulambu wa lufu lua Yezu Kristu. Ke muvuaye mutuleje ditunanga diende dia dikema.

Kolose 3:13

Nulengululangane bilema, nufuilangane luse. Misangu yonsu idi muntu tshilumbu ne mukuabu, nulekelangane bilema, muvua Kristu munulekelebi.

Luke 11:4

Utulekele bilema bietu, mutudi balekele bonsu bavua batuenzela bibi. Kuanyishi bua batutete, tukuvile.”

Luke 6:37

“Kanutangidi bantu bakuabu bu bantu babi, bua Mvidi Mukulu kanutangidi nuenu kabidi nanku. Kanudiwulu bakuabu, bua Mvidi Mukulu kanudiwulu nuenu kabidi. Nu-mvuilangane luse, nanku Mvidi Mukulu neanumvuile kabidi luse.

Ekesode 34:7

Ndi mfuila bantu luse too ne ku ndelanganyi tshinunu, mbajimijila bubi buabu, buntomboji ne ditupakana diabu. Kadi, tshiena mbingisha muntu udi mupile. Ndi nnyoka bana ba ndelanganyi misatu nansha minayi bua buenzayi bua baledi babu.”

Misambu 32:1

Kasala ka mu mukanda wa misambu ya Davide. Udi muena diakalenga, padi Mvidi Mukulu ukujimijila mibi yebe, ukufuila luse bua bilema biuvua muenze.

Misambu 130:4

Wewe udi ne luse, ke padi bantu bakunemeka.

1 Bakalenga 8:39

wewe Maweja-Nangila, mu diulu muudi usomba, wikale muteleje. Ubafuile luse. Wenzele muntu yonsu bilondeshile malu adiye wenza. Bualu udi mumanye muoyi wende. Bushuwa, wewe nkayebe udi mumanye muoyi wa muntu yonsu.

1 Bakalenga 8:30

Teleja mundi nkubikila, ne mudi bantu bebe bena Izrayele bakubikila, batangila ku nzubu eku. Nanku, Maweja-Nangila, mu diulu muudi musombe, ututeleje, utujimijile mibi yetu.

Yeshaya 1:18

Maweja-Nangila udi unubikila ne: Fikayi, tumone wapila ne wabinga nnganyi? Mibi yenu, nansha yoyi mikunze bu mashi, neitoke zezeze bu ndanda. Pikalayi mikunze kunzuu, neitoke bu miosa ya mikoku.

Danyele 9:19

Maweja-Nangila, diteleja! Maweja-Nangila, utufuile luse! Maweja-Nangila, teya matshi! Mvidi Mukulu wanyi, bua dina diebe, kujangaluki bua kusungidila tshimenga etshi ne tshisamba etshi bidi bikujidila.

1 Bakalenga 8:34

wewe Maweja-Nangila, mu diulu, wikale muteleje. Ubajimijile mibi yabu. Ubapingaje mu maloba auvua mumane kupesha bankambua babu, bualu bena Izrayele mbantu bebe.

1 Bakalenga 8:50

Ubafuile luse bua malu mabi onsu adibu bakuenzela, ne mudibu bakutombokela. Witabe bua baluishi babu babenzele bimpe.

Bienzedi 13:38

Nenku, bana betu, tudi tunumanyisha se: Yezu ke udi ujimija mibi yenu.

Matayi 9:2

Bantu kufika ne muena tuneke muladike pa bulalu. Yezu umona ditaba dia bantu abu, kuambilaye muena tuneke ne: — Muananyi, kolesha muoyi! Mibi yebe mmimane kujimina!

Matayi 26:28

Bualu mmashi anyi, adi ashindika ndondu udi Mvidi Mukulu utua ne bantu, adibu bapuekesha bua kujimijila bantu bonsu mibi yabu.

Luke 13:4

Bantu dikumi ne muanda mukulu, bavua kaleya ka Silowa kupukila, kashipa, nudi nuela meji ne: ke bavua babi bapite bantu bakuabu bonsu ba mu Yerushalayime ku bubi anyi?