Matayi 6:10 - MUKANDA WA MYIDI MUKULU

¹⁰ Bukalenga buebe bufike; biudi musue bienzeke pa buloba, bu mudibi bienzeka mu diulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bukelenge buebe bulue. Benze ha buloba mûdi musue bu mudibo benza mu diulu.

Matayi 6:10 交叉引用

Ebrewu 10:36

Nuikale ne munanunanu bua nukumbaje tshidi Mvidi Mukulu musue, nupete bidiye munulaye.

Yowanane 4:34

Yezu kubambila ne: — Tshianyi tshiakudia nkukumbaja dijinga dia uvua muntume, kabidi nkujikija mudimu uvuaye mumfundile bua kuenza.

Matayi 26:42

Ke Yezu kuya kutendelela ku luseke musangu muibidi, wamba ne: — Tatu wanyi, bu dikopu edi kadiyi mua kumuka kundi, tshiyi mudinue, bienzeke amu muudi musue!

Matayi 12:50

Bualu yonsu udi wenza tshidi Tatu wanyi udi mu diulu musue, ke muanetu wa balume, ne wa bakaji, ne mamu kabidi.

1 Tesalonike 5:18

Nuele Mvidi Mukulu tuasakidila mu malu onsu adi enzeka. Ke tshidi Mvidi Mukulu unulomba nuenu badi badisanga ne Yezu Kristu.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

Yowanane 6:40

Eyowa, tshidi Tatu wanyi musue ntshiotshi etshi: bua bonsu badi bamona Muana, bamuitaba, bapete muoyi wa tshiendelele, kabidi bua mbabishe ku lufu, bapete muoyi dituku dia nshikidilu.

Kolose 1:9

Ke patudi tunulombela amu kunulombola kudi Mvidi Mukulu, bituadije ku dituku ditudi banumanye. Tudi tutendelela Mvidi Mukulu, tulomba bua nujingulule bimpe bidiye musue. Anupe meji ne lungenyi bia kudi Mueyelu wende.

Efeze 6:6

Kanubenzedi nanku, amu bua kubasankisha padibu banutangila. Kadi enzayi nanku bu bapika ba Kristu, badi bakeba kukumbaja ne muoyi wabu mujima bidi Mvidi Mukulu musue.

Misambu 40:8

Ke pandi ngamba ne: “Ke meme ewu, mfika, bua kukumbaja tshidibu bafunda mu mukanda wa Mikenji.”

Matayi 7:21

— Bantu badi bambikila ne: “Mfumu, Mfumu,” kabena babuela bonsu mu Bukalenga bua mu diulu to, amu badi benza tshidi Tatu wanyi udi mu diulu musue.

1 Petro 2:15

Bualu Mvidi Mukulu mmusue bua nuenze malu mimpe. Nanku nenupuwishe bantu batatakane badi kabayi bamanye tshintu.

Ebrewu 13:21

Mvidi Mukulu wa bupole anupe bukole bua kuenza malu onsu adi mimpe bua nukumbaje tshidiye musue. Enze munda muetu malu adi amusankisha, kudi Yezu Kristu, udi ne butumbi mu nkama ne nkama ya bidimu. Amene.

Matayi 3:2

wamba ne: — Kudimunayi mioyi yenu, bualu Bukalenga bua mu diulu budi pabuipi!

Danyele 7:27

Nebapeshe tshisamba tshia tshijila tshia Mvidi Mukulu, Muena kulu, bukalenga, bukokeshi, ne lumu, bia makalenga onsu a pa buloba. Bukalenga bua tshisamba etshi nebushale kashidi. Makokeshi onsu a pa buloba neatshitumikile, atshienzela mudimu.’

Luke 22:42

wamba ne: — Tatu, paudi musue, angumushile dikopu dia dikenga edi. Kadi kabienzeki mundi musue meme, amu muudi musue wewe. [

Yowanane 7:17

Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi.

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Didimanyisha 19:6

Pashishe meme kumvua meyi a bantu bavule, akungula bu bibila binene bia mayi, bu makubakuba makole. Meme kumvua bamba ne: “Aleluya! Tumbishayi Mvidi Mukulu! Bualu Maweja-Nangila, Mvidi Mukulu wetu muena bukole buonsu, mmuangate bukalenga buende!

1 Tesalonike 4:3

Mvidi Mukulu mmusue bua nulekele malu a bundu, nuikale bantu ba tshijila.

Bienzedi 21:14

Bu muvua Polu kayi musue kuitaba bituvua bambe, tuetu kulekela kumusengelela, tuamba ne: — Bienzeke mudi Mfumu musue!

Bienzedi 13:22

Mvidi Mukulu mumane kubenga Shawule, kutekaye Davide, bua ikale mukalenga wabu. Mvidi Mukulu kuamba ne: “Ndi musungule Davide, muana wa Ishayi, muntu wa pa muoyi wanyi. Neakumbaje bionsu bindi musue.”

Matayi 4:17

Biangatshile tshikondu atshi, Yezu kutuadija kulongesha bantu, wamba ne: — Kudimunayi mioyi yenu, bualu Bukalenga bua mu diulu bukadi pabuipi.

Didimanyisha 12:10

Ke meme kumvua diyi dikole mu diulu diamba ne: “Tshikondu tshidi Mvidi Mukulu usungidila bantu tshiafiki mpindiewu! Mvidi Mukulu wetu mmuleje bukole buende, mmutuadije bukalenga buende mpindiewu! Udi muteke bumfumu buende mu bianza bia Meshiya wende uvuaye mudisunguile. Bualu mbipate mu diulu musonguedi wa bana hetu, uvua ubasonguela kudi Mvidi Mukulu munya ne butuku.

1 Petro 4:2

Nanku bituadije ku mpindiewu, matuku anutshidi mua kusomba panu, kanulondi majinga mabi a buntu buenu. Nukebe amu tshidi Mvidi Mukulu musue.

Ebrewu 10:7

Ke meme kuamba ne: ‘Eyi, Mvidi Mukulu wanyi, ke meme ewu, ndi mfika bua kuenza tshiudi musue, bu mudibu bafunde bualu buanyi mu mukanda wa mikenji.’ ”

Luke 19:38

Bavua bamba ne: “Mukalenga udi ufika mu dina dia Maweja-Nangila, Mvidi Mukulu amuele lupemba! Bupole budi mu diulu, butumbi budi kudi Mvidi Mukulu!”

Marke 3:35

Bualu muntu udi wenza mudi Mvidi Mukulu musue, yeye awu udi muanetu wa balume, ne wa bakaji ne mamu wanyi kabidi.

Matayi 16:28

Bulelela, ndi nnuambilamu ne: bamue batudi nabu apa, kabakufua kabayi bamona Muana wa muntu ufika mu Bukalenga buende.

Danyele 7:13

“Mvua ntangila amu kutangila malu avua Mvidi Mukulu undeja butuku: Meme kumona tshintu tshifuanangane ne muntu, ufumina mu mavuba a mu diulu. Kusemenaye mutangile kuvua mununu, kuvuabu bamufila.

Nehemya 9:6

Wewe nkayebe ke udi Maweja-Nangila! Udi mufuke diulu dialabale, ne mitotu yonsu! Udi mufuki wa buloba ne bionsu bidipu, wa mayi manene ne bionsu bidi binyungamu. Udi upesha tshifukibua tshionsu muoyi. Makole onsu a mu diulu adi akukukuila.

Marke 11:10

Mvidi Mukulu ele bukalenga budi buvua lupemba, bukalenga bua nkambua wetu Davide! Tutumbishayi Mvidi Mukulu mu diulu!

Didimanyisha 11:15

Pashishe mutumibue wa muanda mutekete kuela mpungi. Meyi makole kumvuika mu diulu, amba ne: “Bumfumu bua kulombola buloba budi kudi Maweja-Nangila wetu ne kudi Meshiya wende. Nebashale mu bukalenga kashidi.”

Didimanyisha 20:4

Pashishe meme kumona nkuasa ya butumbi. Bavua basombamu, bavua bapete bumfumu bua kulumbuluisha bantu. Meme kumona kabidi bantu bavuabu bashipe, bualu bavua bajadike malu malelela avua Yezu mumanyishe, bajadike ne muaku wa Mvidi Mukulu. Bantu aba kabavua bakukuile nyama, nansha tshimfuanyi tshiende. Kabavua babatue tshitampi tshia nyama pa mpala, nansha pa tshianza to. Kufululukabu, kudiabu bukalenga pamue ne Kristu bidimu tshinunu.

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.

Kolose 1:13

Bualu mmutupikule ku bukole bua miidima, mutubueje mu bukalenga bua Muanende munanga.

Luke 19:11

Yezu uvua welela kabidi bantu bavua bumvua bionsu abi lusumuinu lukuabu. Bu muvua Yezu pabuipi ne Yerushalayime, bantu bavua bela meji ne: Bukalenga bua Mvidi Mukulu bukadi pa kumueneka amu mpindiewu.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Yeshaya 2:2

Dituku dikuabu mukuna udibu base nzubu wa Mvidi Mukulu, neupite mikuna yonsu, neuyipite ku bule. Bisamba bionsu nebiutantshile, bibodiokamu.

Bienzedi 22:14

Kuambaye kabidi ne: “Mvidi Mukulu wa bankambua betu mmukusungule, bua wewe kumanya tshidiye musue, kumona Muntu umue epele uvua mukumbaje tshidiye musue, kudiumvuila ne diyi diende menemene.

Yirmeya 23:5

Maweja-Nangila udi wamba ne: Dituku nedifike dindi mbikila muntu wa ku ndelanganyi ya Davide menemene. Neikale mukalenga muakane. Neenze amu malu mimpe. Neakose amu nsambu pa yoyi mu ditunga.