Matayi 5:6 - MUKANDA WA MYIDI MUKULU

⁶ Bantu badi bajinga muabu muonsu mua kukumbaja bidi Mvidi Mukulu musue, ke bena diakalenga, bualu Mvidi Mukulu neabakumbajile bionsu bidibu bajinga!

Mukanda wa Nzambi Dihungila Dikulukulu ne Dihungila Dihia-dihia 2003

⁶ Badi ne nsala ne nyota ya buakane badi ne disanka bua bobo nebûkute.

Matayi 5:6 交叉引用

Yowanane 4:14

Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Misambu 107:9

Bualu udi mupeshe bavua ne nyota mayi a kunua, mubumbuile bavua ne nzala bivuabu bakengela.

Yowanane 6:27

Kanukuatshi mudimu bua biakudia bidi binyanguka. Kadi nuenze mudimu bua biakudia bidi bishala, bifikisha bantu ku muoyi wa kashidi. Muana wa muntu neanupe biakudia abi, bualu Mvidi Mukulu Tatu mmumutue tshitampi tshia bumfumu buende.

Misambu 145:19

Udi witaba malomba a badi bamulamate, ubasungidila padiye umvua bamubila.

Yowanane 7:37

Dituku dia ndekelu dia tshibilu divua dituku dinene dipite. Dituku adi, Yezu kuimana kulu kumpala kua bantu tshisumbu tshinene, wela diyi dikole ne: — Pikala muntu ne nyota, alue kundi, anue.

Didimanyisha 7:16

Kabakumvua kabidi nzala musangu nansha umue. Nyota kayakubasuma. Munya kawakubosha. Luya lukole kaluakubabuela.

Luke 6:21

“Nuenu badi ne nzala mpindiewu, nudi bena diakalenga, bualu Mvidi Mukulu neanudishe, nuukute! “Nuenu badi badila mpindiewu, nudi bena diakalenga, bualu nenuseke!

Yeshaya 44:3

Bualu nempuekeshe mayi mu ditunga didi kadiyi mayi. Nempatule tusulu mu buloba buume. Nengitshikije Mueyelu wanyi pa bana bebe. Nengele ndelanganyi yebe lupemba.

Luke 1:53

Uvua mupeshe bavua ne nzala bilenga bia bungi, mutangalaje babanji bianza bitupu.

Yeshaya 65:13

Telejayi, tshindi meme Maweja-Nangila Mvidi Mukulu ngamba: nuenu nenuikale ne nzala, kadi bantu banyi nebadie. Nuenu nenufue nyota, kadi bantu banyi nebanue. Nuenu nenufue bundu, kadi bantu banyi nebasanke.

Misambu 65:4

nansha bobu benza bibi bipite. Bubi buetu budi butunemenena bujitu. Amu wewe ke udi mua kubujimija.

Yeshaya 25:6

Maweja-Nangila muena bukole buonsu, nealongoluele bantu bonsu didia dinene, pa mukuna wa Siyone. Bantu nebadie minyinyi ya mafuta, banue maluvu masheme, — minyinyi mimpe mitekete, maluvu a mvinyo mimpe menemene, mamane kulala bidimu. —

Misambu 84:2

Maweja-Nangila wa bukole buonsu, ndi munange nzubu webe bikole!

Luke 6:25

“Nuenu badi ne bintu bionsu mpindiewu, nudi bena diakabi, bualu nenufue ne nzala! “Nuenu badi baseka mpindiewu, nudi bena diakabi, bualu nenubungame, nudile!

Yeshaya 41:17

Bapele ne bakengi, badi bakeba mayi, kabayi baapeta. Nyota idi ibumisha muminu. Kadi meme Maweja-Nangila, ndi ngitaba ku dilomba diabu. Meme Maweja-Nangila wa bena Izrayele, tshiena mbalekela to.

Misambu 63:5

nkuela tuasakidila matuku onsu andi ne muoyi. Nengele bianza mulu bua kukusamuna.

Misambu 17:15

Meme nenkumone, bualu tshivua muenze bibi. Pangabika, nenkutangile, kabiyi bintonda!

Musambu wa Solomo 5:1

Muanetu wa bakaji, mubangila wanyi, ndi mbuela mu budimi buanyi, mpolamu mire wanyi, ne mitshi ya mupuya muimpe, ndilamu buitshi buanyi, nnuinamu maluvu ne mabele anyi. “Balunda banyi, nudie, nunue, dinanga dinukuate.”

Yeshaya 66:11

Nenku nutshionkomoke! Nenudie nuukute, padi Yerushalayime unusamba, unudisha, mudi mukaji wamusha muana dibele, bua bana banue dibele ne disanka.

Nsumuinu 10:24

Tshidi bantu babi batshina tshidi tshibatulukila. Tshidi bantu bakane bajinga badi batshipeta.

Nsumuinu 21:21

Muntu wa disanka udi ulonda njila wa buakane. Neasombe matuku mavule panu. Bantu nebamunemeke, bamusankishe kabidi.

Yirmeya 31:25

Bualu badi bapungila ne nyota, nembapeshe mayi a kunua, badi batekete ne nzala, nembadishe.