Matayi 5:12 - MUKANDA WA MYIDI MUKULU

¹² Sankayi, sangalayi, bualu Mvidi Mukulu neanusankishe bikole mu diulu. Bambi bavua banudianjidile, bavua babakengesha amu mushindu ewu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nusanke, nuikale ne disanka dingi, bualu bua difutu dienu didi mu diulu ndinene; bakakengesha baprofete nunku bakadi ku mpala kuenu.

Matayi 5:12 交叉引用

Luke 6:23

Nusanke dituku adi, nutue tshianga, bualu difutu dinene ndinuindile mu diulu. Ke muvua bankambua bakengesha bambi nanku.

Yakobe 1:2

Bana hetu, nudimone bena diakalenga menemene, padi makenga a mishindu yonsu anukuata.

Kolose 3:24

Nuyuluke ne: Mfumu neanufute. Nenupete bidiye mulamine bena diende. Bualu Mfumu unudi nuenzela mudimu ke Kristu.

1 Petro 4:13

Panudi nudisanga ne Kristu mu makenga ende, nusanke. Nanku pamueneka butumbi buende, nenusanke kabidi nutshionkomoka.

Kolose 1:24

Mpindiewu ndi nsanka bua makenga adi mankuate bualu buenu. Bualu ku makenga anyi, ndi nkumbaja makenga adi Kristu kayi muanji kumvua bua mubidi wende, momumue ne bua Tshisumbu tshia bena ditaba.

Rome 5:3

Nanku nansha tuetu mu makenga, tudi amu tusanka. Bualu tudi bamanye ne: dikenga didi dipetesha lutulu,

Rute 2:12

Maweja-Nangila akuvudijile disanka pa bionsu biudi muenze. Maweja-Nangila, Mvidi Mukulu wa Izrayele, akuele lupemba, bualu udi muvue kusokoma kudiye.

Misambu 58:11

Padi Mvidi Mukulu usombuela bantu babi aba, bantu bende nebasanke, badiate mu mashi a baluishi babu.

Yeshaya 3:10

Vulukayi ne: diakalenga ndia bantu badi bitaba Mvidi Mukulu, bualu bidibu benze nebibapeteshe tshipeta tshimpe.

Nsumuinu 11:18

Difutu didi muntu mubi wangata didi dimudinga. Kadi udi wenza bidi Mvidi Mukulu musue kakupanga difutu diende.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

Matayi 16:27

Bualu Muana wa muntu neafike, mu butumbi bua tatuende, pamue ne batumibue bende. Diba adi neafute muntu yonsu, bilondeshile malu avuaye muenze.

Ebrewu 11:6

Kadi muntu kena mua kusankisha Mvidi Mukulu padiye kayi ne ditaba. Bualu muntu udi usemena pabuipi ne Mvidi Mukulu udi ne bua kuitaba ne: Mvidi Mukulu udiku, udi ufuta badi bamukeba.

1 Tesalonike 2:15

Bena Yuda bavua bashipe Mfumu Yezu, ne bambi kabidi. Ke muvuabu batukengeshe ne tuetu. Kabena basankisha Mvidi Mukulu. Badi bena lukuna ba bantu bakuabu bonsu.

Filipe 2:17

Ndi kumpala kua Mvidi Mukulu bua kumulambula ditaba dienu. Pamue apa nebasakidile muoyi wanyi ku mulambu wenu. Nansha biobi bienzeka nanku, nensanke, nnubueje bonsu mu disanka adi.

1 Bakalenga 18:13

Mukalenga wanyi Eliya, kabena bakuambila tshimvua muenze pavua mukalenga mukaji Yezabele ushipesha bambi ba Maweja-Nangila anyi? Kabena bakuambila mumvua musokoke bambi lukama mu mbuebue: emu makumi atanu, emu makumi atanu, mbapesha biakudia ne mayi a kunua anyi?

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

Bienzedi 5:41

Bapostolu kumuka mu Tshipangu, benda basanka, bualu Mvidi Mukulu uvua mubamone ne: mbakane kumvua bipendu bua dina dia Yezu.

Matayi 6:16

— Panudi nujila biakudia, kanushadi babungame bu mudi bena mpala ibidi benza. Badi banyenga mpala, bua bantu bonsu babamone ne: mbajile biakudia. Ndi nnujadikila bulelela ne: mbamane kupeta difutu diabu.

1 Korente 3:8

Mudimu wa mukunyi, ne mudimu wa mumiaminyi wa mayi, udi wa mushinga wa momumue. Mvidi Mukulu neafute muntu yonsu diende difutu, bilondeshile mushindu udiye ukumbaja mudimu wende.

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Bienzedi 16:25

Munda nkulu, Polu ne Silase bavua batendelela, bimba misambu, batumbisha Mvidi Mukulu. Bena lukanu bakuabu bavua babateleja.

Luke 13:34

“Yerushalayime we, Yerushalayime we, wewe udi ushipa bambi. Bantu badi Mvidi Mukulu ukutumina, udi ubasa mabue. Misangu bungi munyi imvua musue kukongoloja bantu bebe, mudi nzolu ukunguja tuana tuende mu mapuapua. Kadi kuvua musue nansha.

Yirmeya 2:30

Meme kununyoka, kadi kabiena binuenzela bualu to. Kanuena bateleja mibelu eyi. Kadi nuenu kushipa bambi benu, bu nyama ya ntambue ya lonji.

Misambu 19:11

Mikenji yende mmipite tshiamu tshia mpawungi mushinga, idi mimpe, mipite buitshi busheme.

2 Kulondolola 16:10

Asa kufikila muambi Anani munda. Kumueleshaye mu nzubu wa lukanu, bualu miaku ya muambi Kua mimukebe tshiji tshikole be! Tshikondu atshi, Asa kutuadija kukengesha bamue bena ditunga.

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

Yirmeya 26:8

Yirmeya mumane kumanyisha bantu bonsu aba tshivua Maweja-Nangila mumuambile, kumukuatabu, bamba ne: — Bamushipe!

1 Bakalenga 22:8

Akabe, mukalenga wa bena Izrayele, kuandamuna ne: — Muambi mukuabu umue udi munemu. Dina diende Mika, muana wa Imla. Kadi tshiena mumunange to. Bualu misangu yonsu udi ummanyisha amu malu mabi. Katshia, kena muanji kungambilaku bualu buimpe to. Mukalenga Yosafate kukema ne: — Kuangatshi muambi bibi nanku to!

1 Bakalenga 21:20

Eliya kuya kuambila Akabe bionsu abi. Akabe kumuambila ne: — Wewe muluishi wanyi, wapinganyi kabidi kundi! Eliya kuitaba ne: — Eyowa, ngapinganyi kabidi kuudi, bualu wewe udi usanka bua kuenza bidi Maweja-Nangila ubenga.

Ebrewu 11:26

Utata muele meji ne: bobu bampetule mutotabu bapetule Kristu, ndi mpeta tshiuma tshidi tshipite biuma bia mu Ejipitu. Bualu mesu ende avua atangila amu difutu divuaye muindile kumpala.

2 Bakalenga 1:9

Mukalenga Akaziya kutuma mulombodi, ne bena mvita makumi atanu, bua kukuata muambi Eliya. Bena mvita abu, kubanda ku lusongu lua mukuna uvua muambi Eliya musombe. Mulombodi wa bena mvita kuambila Eliya ne: — Muambi wa Mvidi Mukulu, tuluka! Ke mudi mukalenga Akaziya mutume diyi!

1 Bakalenga 19:2

Ke Yezabele kutuma muntu bua kumanyisha muambi Eliya ne: “Malaba pa diba ditudi edi, meme tshiyi mukushipe, bu muudi mushipe bambi ba Baale, mvidie innyoke ne dinyoka dikole!”

Yirmeya 37:14

Ke Yirmeya kumuandamuna ne: — Nansha kakese! Tshiena nya kudi bena Babilone to. Kadi Iriya kavua muitabe tshivua Yirmeya wamba to. Kumukuataye, kuya nende kudi bamfumu bende.

Filipe 1:29

Bualu Mvidi Mukulu mmunupe dipa dia nuenu kukuatshila Kristu mudimu. Kanuena amu ne bua kumuitaba nkayaku, kadi nudi ne bua kukenga kabidi bualu buende.

Ebrewu 10:34

Bualu nuvua badisange ne bavua mu lukanu mu makenga abu. Pavuabu banunyenga bintu, nuvua bitabe ne disanka bua kubijimija. Bualu nuvua bamanye ne: tudi ne bubanji bupite buimpe budi bushala kashidi.

Ebrewu 11:33

Bua ditaba diabu, kukuatabu matunga, kuenzabu malu makane, kupetabu tshivua Mvidi Mukulu mulaye. Kubuikilabu mukana mua ntambue,

Yakobe 5:10

Bana hetu, vulukayi bambi bavua balongesha mu dina dia Mfumu. Nulonde tshilejilu tshiabu, bualu bavua balame lutuulu mu makenga.