Matayi 5:10 - MUKANDA WA MYIDI MUKULU

¹⁰ Bantu badibu bakengesha bua padibu benza tshidi Mvidi Mukulu musue, ke bena diakalenga, bualu Bukalenga bua mu diulu budi buabu!

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bakakengeshibua bua buakane buabo badi ne disanka, bua bukelenge bua mu diulu budi buabo.

Matayi 5:10 交叉引用

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

Matayi 5:3

— Bantu badi batekemena amu kudi Mvidi Mukulu, ke bena diakalenga, bualu nebikale nende mu Bukalenga bua mu diulu!

Luke 6:22

“Padi bantu banukina, banubenga, banupenda, banupenda bualu bua Muana wa muntu, nudi bena diakalenga.

2 Timote 2:12

Bituikala bumvue makenga ne lutuulu, netudie nende bumfumu; Bituamuvila, Yeye kabidi neatuvile;

Filipe 1:28

Kanutshinyi baluishi benu nansha kakese. Lejayi bukitu. Bualu ku bukitu buenu ke kualejila Mvidi Mukulu ne: baluishi benu badi babutuka, kadi nuenu nudi nuenda mu njila wa lupandu.

Luke 21:12

Kadi bionsu ebi kabiyi bianji kuenzeka, bantu nebanukuate, banukengesha. Nebanufile mu tshilumbuluilu mu nzubu ya ditendelela. Nebanuele mu nzubu wa lukanu. Nebaye nenu kumpala kua bakalenga ne kua balombodi ba ditunga, bualu nudi bangitaba.

Yowanane 15:20

Vulukayi mumvua munuambile ne: “Muena mudimu nansha umue kena mua kupita mfumuende.” Bu mmuabu bankengeshe, nebankengeshe kabidi. Pikalabu banyishe dilongesha dianyi, nebanyishe kabidi dienu.

Didimanyisha 2:10

Kutshinyi makenga adi makuindile. Teleja bimpe: diabolu neanutete. Neele bamue ba kunudi mu nkanu. Nebanukengeshe matuku dikumi. Wewe, ukoleshe amu muoyi, nansha bua kumona lufu. Nenkupeshe muoyi wa kashidi bu kalumbandi.

2 Timote 3:11

Tuvua nebe diba dimvua nsama, diba divuabu bankengesha. Udi mumanye bionsu bivua bingenzekele mu Antiyokiya, mu Ikoniyume, ne mu Listra. Bavua bankengeshe bikole, kadi Mfumu uvua munsungidile ku bionsu.

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Misambu 37:12

Muntu mubi udi ukina muntu muakane, usumakaja dinu bua kumuenzela bibi.

Marke 10:30

neapete misangu lukama mu matuku atudi aa, nzubu, bana babu ba balume, bana babu ba bakaji, bamamuende, bana ne madimi, kabidi ne makenga; pashishe mu matuku adi alonda neapete muoyi wa tshiendelele.

Luke 6:20

Ke Yezu kutangila balongi bende, ubambila ne: “Nuenu bapele nudi bena diakalenga, bualu nenuikale ne Mvidi Mukulu mu Bukalenga bupiabupia!

Matayi 10:23

Panukengeshabu mu tshimenga kampande, nuye kusokomena mu tshikuabu. Ndi nnujadikila bulelela ne: Muana wa muntu neafike, kanuyi banji kujikija mudimu wenu mu bimenga bionsu bia bena Izrayele.

1 Yone 3:12

Katuikadi bu Kayine uvua muntu wa Muena bubi, ushipa muanabu. Wakamushipa bua tshinyi? Bualu malu avua Kayine wenza avua mabi. Avua muanabu wenza avua mimpe.

Bienzedi 8:1

Shawule uvua muanyishe pende lufu lua Stefane alu. Dituku mene adi, kutuadijabu kukengesha bikole Tshisumbu tshia bena ditaba tshivua mu Yerushalayime. Bena ditaba bonsu kutangalaka. Kuyabu mu buloba bua Yudeya ne bua Samariya. Bapostolu kudishadila.

Bienzedi 5:40

Ke kubikilabu bapostolu, kubatuutshishabu nkodi, kubakandika bua kabatedi kabidi dina dia Yezu. Nanku kubalekelabu.

Yeshaya 66:5

Nuenu badi bateleja diyi dia Maweja-Nangila ne luzakalu, bamuitaba, umvuayi tshidiye unuambila. Nudi ne bena kuenu, badi banudiwula, banuipata munkatshi muabu, bualu nudi balamate Mvidi Mukulu. Badi banuamba, baseka ne: “Maweja-Nangila aleje bukole buende tumone munudi basanka!” Kadi bobu nebafue bundu.

Matayi 19:14

Yezu kuamba ne: — Lekelayi bana bavue kundi. Kanubakandiki to. Bualu Bukalenga bua mu diulu mbua badi bu bana.

Marke 10:14

Padi Yezu umona nanku, kusodiaye, kuambila balongi bende ne: — Lekelayi kukandika bana! Balekelayi balue kundi, bualu Bukalenga bua Mvidi Mukulu mbua badi bu bana.

Luke 22:29

Nanku bu mutua Tatu wanyi mumpeshe Bukalenga, meme kabidi ndi nnupeshabu.

Yakobe 5:11

Tudi tubamba ne: mbena diakalenga, bualu bavua bananukile. Nukadi bumvue muvua Yobe mulame lutuulu, kabidi muvua Mfumu mumusankishe ku ndekelu. Bualu Mfumu udi muena dinanga ne luse.