Matayi 4:23 - MUKANDA WA MYIDI MUKULU

²³ Yezu uvua wendakana mu ditunga dia Ngalileya dijima. Uvua ulongesha mu nzubu ya kutendelela, wambila bantu Lumu lua Disanka lua Bukalenga. Uvua ujikija kabidi masama ne matekete onsu avua bantu nawu.

Mukanda wa Nzambi Dihungila Dikulukulu ne Dihungila Dihia-dihia 2003

²³ Yesu wakendakana mu luseke luonso lua Galela, uyisha bantu mu nsunagoga yabo, ubambila lumu luimpe lua bukelenge bua mu diulu; ukolesha bantu bakadi ne mabedi ne matekete onso.

Matayi 4:23 交叉引用

Matayi 9:35

Yezu uvua upitshila mu bimenga bionsu ne mu misoku yonsu. Uvua ulongesha mu nzubu ya kutendelela ya bena Yuda. Uvua wenda wambila bantu Lumu lua Disanka lua Bukalenga bua Mvidi Mukulu. Uvua ujikija masama ne matekete onsu a bantu.

Marke 1:39

Yezu uvua wendakana mu Ngalileya mujima, ulongesha mu nzubu ya kutendelela ya bena Yuda, uvua wipata ne mikishi mibi.

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.

Luke 7:22

Ke kuandamunaye bantu bavua Yowanane mutume ne: — Nupingane kudi Yowanane, numulondele bionsu binudi bamone, ne binudi bumvue: mpofu idi imona, batebuki badi benda biakane, bena nsudi badi bakana mibidi, bena mapapa badi bumvua, bafue badi babiika ku lufu, bapele badi bumvua Lumu lua Disanka.

Matayi 11:5

mpofu idi imona, batebuki badi benda, bena nsudi badi bapanda, bena mapapa badi bumvua, bafue badi babika, bapele badi babamanyisha Lumu lua Disanka.

Matayi 13:54

kuyaye mu tshimenga tshiyuabu bamukoleshe. Uvua ulongesha mu nzubu wa kutendelela. Bantu bonsu bavua bamuteleja, bavua bakema, bebejangana ne: — Meji a nanku mmuapete kuepi? Munyi mudiye mua kuenza bishima bia mushindu ewu?

Marke 1:21

Yezu ne balongi bende kuyabu mu tshimenga tshia Kefamawume. Dituku dia Dikisha, Yezu kubuela mu nzubu wa kutendelela wa bena Yuda. Kubangaye kulongesha bantu.

Misambu 103:3

Yeye ke udi umbuikidila malu mabi anyi onsu, ondapa masama anyi onsu,

Rome 10:15

Mudibu mua kumumanyisha, kakuyi bantu badibu bafuma bua kuenza nanku, mbishi? Ke padi Mukanda wa tshijila wamba ne: “Disanka kaayi dia kumona bantu bafika, batutuadila Lumu lua Disanka!”

Luke 8:1

Pashishe Yezu kuya ne balongi bende mu bimenga bionsu ne mu misoku. Uvua ulongeshamu bantu, ubamanyisha Lumu lua Disanka lua Bukalenga bua Mvidi Mukulu. Balongi bende dikumi ne babidi bavua nende mu luendu alu.

Marke 6:2

Pavua dituku dia Dikisha dikumbane, uvua ulongesha bantu mu nzubu wa kutendelela wa bena Yuda. Bantu ba bungi bavua bamuteleja, bavua bakatshila bikole, bamba ne: — Bionsu ebi mmubimanye bishi? Udi ne meji a mushindu kaayi adiye wenza nawu malu a kukema nenku?

Matayi 24:14

Lumu lua Disanka, nebalumanyishe mu buloba bujima, bua kujadikila bisamba bionsu ne: Mvidi Mukulu udi unubikila ku Bukalenga buende. Diba adi, nshikidilu wa buloba neafike.

Matayi 12:9

Yezu umuka aku, kuyaye mu nzubu wabu wa kutendelela.

Yowanane 18:20

Yezu kumuandamuna ne: — Mvua muambile bantu bonsu malu amu patoke. Mvua mulongeshe misangu mivule mu nzubu ya kutendelela ya bena Yuda, ne mu nzubu wa Mvidi Mukulu, muaba udi bena Yuda bonsu basangila. Tshivua muakule bualu nansha bumue mu musokoku.

Luke 13:10

Dituku dikuabu dia Dikisha, Yezu uvua ulongesha mu nzubu kampanda wa kutendelela wa bena Yuda.

Luke 9:11

Kadi bantu kumanya bualu, kulonda Yezu. Ke Yezu kubakidila, kubalongesha malu a Bukalenga bua Mvidi Mukulu, kujikija masama a bavua nawu.

Luke 5:17

Dituku dikuabu Yezu uvua ulongesha. Baparushe ne balongeshi ba mikenji bavua basomba pavuaye. Bavua bafume ku misoku yonsu ya mu Ngalileya, ya mu Yudeya, ne ku tshimenga tshia Yerushalayime. Yezu uvua ne bukole bua kudi Maweja-Nangila, buvuaye ujikija nabu masama a bantu.

Marke 6:6

Uvua ukema bikole muvuabu bapange mua kumuitaba. Pashishe Yezu uvua ulongesha bantu mu misoku yonsu ya ku mpenga.

Marke 3:10

Bu muvuaye ujikija masama a bantu ba bungi, bonsu bavua basama bavua bafuilakana bua kumulenga.

Marke 1:14

Bamane kuela Yowanane mu lukanu, Yezu kuya mu Ngalileya. Uvua wenda ulongesha bantu Lumu lua Disanka lua Mvidi Mukulu.

Misambu 74:8

Bavua batuamba ne: “Netubabutule bonsu! Netoshe nzubu yonsu ya kutendelela idi mu ditunga diabu.”

Bienzedi 20:25

Mvua mutambakane munkatshi muenu bonsu, ndongesha malu a Bukalenga bua Mvidi Mukulu. Kadi mpindiewu ndi mumanye se: muntu nansha umue wa kunudi kakummona kabidi.

Bienzedi 18:4

Dituku dionsu dia Dikisha, Polu uvua ulongesha mu nzubu wa kutendelela, usonsola bena Yuda ne bena Ngreke, bua bitabe Mvidi Mukulu.

Yowanane 6:59

Yezu uvua muambe miaku eyi pavuaye ulongesha mu nzubu wa kutendelela wa bena Yuda mu Kefamawume.

Luke 10:9

Nujikijile babeedi badimu masama abu. Nubambile ne: “Bukalenga bua Mvidi Mukulu bukadi pabuipi nenu.”

Luke 6:17

Yezu kupueka ne bapostolu bende pa mukuna, kuimana pa muaba mutentema. Balongi bende bakuabu ba bungi bavua muaba awu. Muvua kabidi tshisumbu tshinene tshia bantu ba mu misoku yonsu ya mu ditunga dia Yudeya, ba mu Yerushalayime, ne ba mu Tire ne Sidone, bimenga bia ku muelelu wa mayi manene.

Matayi 14:14

Yezu upatuka mu buatu, kumonaye bantu ba bungi. Luse kumukuatalu. Kutuadijaye kujikija masama abu.

Matayi 13:19

Padi bantu bumvua bakuabu balongesha malu a mu Bukalenga bua mu diulu, kabayi bajingulula muyayabu, Muena bubi udi ufika, umusha bivuabu bamiamine mu muoyi wabu. Ke ntete idi ipona ku muelelu wa njila.

Matayi 3:2

wamba ne: — Kudimunayi mioyi yenu, bualu Bukalenga bua mu diulu budi pabuipi!

Yowanane 7:1

Pashishe Yezu kuendakana mu ditunga dia Ngalileya. Kavua musue kualukila mu Yudeya, bualu bamfumu ba bena Yuda bavua basue kumushipa.

Luke 20:1

Dituku dikuabu Yezu uvua ulongesha bantu mu nzubu wa Mvidi Mukulu, ubamanyisha Lumu lua Disanka. Bamfumu ba batuangaji, balongeshi ba mikenji, ne bakulu, kufika kudiye.

Luke 4:14

Yezu muwule ne bukole bua Mueyelu wa Tshijila, kupinganaye mu Ngalileya. Bantu bavua bayukila bualu buende bikole mu buloba bujima abu.

Luke 6:6

Dituku dikuabu dia dikisha, Yezu mumane kubuela mu nzubu wa ditendelela wa bena Yuda, kutuadijaye kulongesha bantu. Muntu uvuamu, muikale ne tshianza tshia balume tshifulame.

Luke 7:21

Diba adi Yezu uvua ujikijila bantu bavule masama abu mashilangane. Uvua wipata kabidi mikishi mibi, utabeja mpofu ya bungi.

Luke 9:60

Ke Yezu kumuandamuna ne: — Kuenji nanku to! Bafue bajike bafue nabu. Kadi wewe uye kulongesha malua Bukalenga bua Mvidi Mukulu.

Luke 16:16

Too ne ku tshikondu tshia Yowanane-Batiste, nuvua ne mikenji ya Moshe, kabidi ne mikanda ya bambi. Kutuadija ku Yowanane, badi balongesha Lumu lua Disanka lua Bukalenga bua Mvidi Mukulu. Muntu yonsu udi upatata bua kubuela mu Bukalenga abu.

Bienzedi 28:31

Uvua umanyisha malu a Bukalenga bua Mvidi Mukulu, ulongesha ne muoyi mukole, bidi bitangila Mfumu Yezu Kristu, kabayi bamukandika.