Matayi 3:8 - MUKANDA WA MYIDI MUKULU

⁸ Enzayi malu adi aleja ne: tudi basue kukudimuna mioyi yetu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nukuame mamuma makane adi alesha dikudimuna dia mitshima yenu;

Matayi 3:8 交叉引用

Luke 3:8

Enzayi malu adi aleja ne: nudi bakaje nsombelu yenu. Kanudiambidi munda muenu ne: “Abrahame ke nkambua wetu.” Bualu ndi nnujadikila ne: Mvidi Mukulu udi mua kuandamuna mabue aa, ashale ndelanganyi ya Abrahame!

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.

Filipe 1:11

Diba adi amu malu enu mimpe, avua Yezu Kristu muenze nenu, bua kutumbisha ne kunemeka Mvidi Mukulu, neikale biuma bienu.

Efeze 5:9

Bualu amu ku butoke, ke kudi kupatuka bulenga, buakane, ne bulelela, bua mishindu yonsu.

Yirmeya 36:3

Misangu mikuabu bena Yuda badi mua kumvua mundi musue kubatumina makenga. Nanku nebadilengeje. Nemmone mua kubafuila luse bua bilema biabu ne mibi yabu.

Yirmeya 26:13

Mpindiewu, nudilengeje, nuakaje nsombelu yenu, nuteleje tshidi Maweja-Nangila Mvidi Mukulu wenu wamba. Nanku kakunutumina dikenga divuaye munuambile to.

Matayi 21:32

Bualu Yowanane-Batiste mmufike kunudi, bua kunuleja njila mululame. Kadi kanuena bamuitabe to. Balambuishi ba bitadi, ne bakaji bena buendenda, bakamuitaba. Kadi nansha nuenu bamone bobu benza nanku, kanuena banyingalala nansha kakese, bua numone mua kumuitaba.

Efeze 5:8

Kale nuvua mu midima. Mpindiewu nudi mu butoke, bualu nudi badisange ne Mfumu. Enzayi malu adi bantu badi benda mu butoke ne bua kuenza.