Matayi 3:16 - MUKANDA WA MYIDI MUKULU

¹⁶ Yowanane mumane kutua Yezu mu mayi, Yezu kupatukamu diakamue. Diulu kubululuka. Yezu kumona Mueyelu wa Mvidi Mukulu upueka bu nyunyu wa nkudimba, umuikila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hakamubatizabo nunku, Yesu wakumuka mu mai; ne monai, diulu diakamubuikila, yeye wakatangila Nyuma wa Nzambi uhueka bu nyunyu wa nkutshi, umuikila;

Matayi 3:16 交叉引用

Yeshaya 11:2

Mueyelu wa Maweja-Nangila udi nende kashidi. Mueyelu udi umupa meji, umuambuluisha bua asunguluje malu. Neamanye tshia kuenza, neapete bukitu bua kutshikumbaja. Mueyelu neumuludike bua amanye Maweja-Nangila, neumulongeshe bua kumunemeka.

Marke 1:10

Amu diakamue Yezu upatuka mu mayi, kumonaye diulu dibululuke. Mueyelu wa Tshijila upueka pa mutu pende bu nyunyi wa nkudimba.

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Bienzedi 7:56

Kuambaye ne: — Telejayi: ndi mmona diulu diunzuluke. Ndi mmona Muana wa muntu, muimane ku dia bukole dia Mvidi Mukulu.

Yezekiyele 1:1

Mu matuku atanu a ngondu muinayi wa tshidimu tshianyi tshia makumi asatu, meme Yezekiyele, muana wa mutuangaji Buzi, mvua musombe munkatshi mua bena tshimuangi ba bena Yuda, batata ku muelelu wa musulu wa Kebare. Meme kumona diulu diunzuluka, Maweja-Nangila undeja malu.

Yowanane 3:34

Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.

Yeshaya 59:21

Maweja-Nangila kuamba kabidi ne: “Monayi ndondu undi ntua nenu: Mueyelu wanyi neunutulukile. Ndi nnulongesha malu anyi bituadije ku mpindiewu ne kashidi. Tshiena ngumusha dilongesha edi kunudi, nansha kudi bana benu, nansha kudi biikulu benu. Meme Maweja-Nangila ndi njadika nanku awu.”

Yowanane 1:51

Yezu kuamba kabidi ne: — Ndi nnuambila bulelela ne: nenumone diulu diunzuluke, batumibue ba Mvidi Mukulu babanda bapueka kulu kua Muana wa muntu.

1 Yone 5:6

Yezu Kristu mmufike kutudi; mmufike ne mayi muvuabu bamutue, kabidi ne mashi a ku lufu luende. Kena mufike amu ne mayi nkayawu, kadi ne mayi, kabidi ne mashi. Ke bualu budi Mueyelu wa Tshijila ujadika. Bualu Mueyelu udi bulelela.