Matayi 3:11 - MUKANDA WA MYIDI MUKULU

¹¹ Meme ndi nnutua mu mayi bua nukudimune nsombelu wenu. Kadi udi undonda panyima, neanutue mu Mueyelu wa Tshijila ne mu kapia. Yeye udi ne bukole, mumpite meme. Meme tshiena mukumbane nansha bua kumukopola bisabata biende.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bulelela, ndi nubatiza mu mai bualu bua nuenu nukudimune mitshima yenu; kadi udi ulua ku nyima kuanyi udi muntambe meme, tshiena ne buakane bua kutuala bisabata biandi; yeye neanubatize mu Nyuma Muimpe ne mu kahia;

Matayi 3:11 交叉引用

Luke 3:16

Kadi Yowanane kubambila bonsu ne: — Meme ndi nnutua mu mayi. Kadi udi mumpite meme ku bukole, nealue. Meme tshiena mukumbane nansha mua kumukopola bisabata. Yeye neanutue munda mua Mueyelu wa Tshijila, ne mu kapia.

Yeshaya 4:4

Maweja-Nangila neatume kapepa ka buakane, ka kulengeja naku bantu. Pikala Maweja-Nangila mumane kusukula manyanu a bakaji ba mu Yerushalayime, pikalaye mumane kumbusha mashi a bantu avua Siyone mupumune muende,

Bienzedi 1:5

Yowanane uvua utua bantu mu mayi. Kadi matuku makese aa, nebanutue nuenu munda mua Mueyelu wa Tshijila.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Tite 3:5

ke Yeye kusungidila, ki mbua midimu mimpe ituvua benze, kadi anu bua luse luende. Uvua mutusungidile, bualu bavua bafume mu mayi, batulele tshiakabidi, batupeshe muoyi mupiamupia kudi Mueyelu wa Tshijila.

1 Korente 12:13

Buonsu buetu, bena Yuda nansha bantu ba bisamba bikuabu, bapika nansha bantu badi benza malu mudibu basue, bavua batutue mu mayi, bua tuetu kuenza mubidi umue ku bukole bua Mueyelu wa Tshijila. Mbatuwuje kabidi bonsu ne Mueyelu umuepele ewu.

Matayi 3:6

Bantu abu bavua batonda mibi yabu, bantu bonsu bumvue. Nanku Yowanane uvua ubatua mu mayi a Yardene.

Bienzedi 19:4

Polu kubambila ne: — Yowanane uvua utua bantu bavua banyisha bua kudilengeja. Kadi uvua wambila kabidi bena Izrayele, bua bitabe muntu uvua ne bua kufika panyima pende, mmomumue ne: Yezu.

Luke 1:17

Neadianjile kumpala kua Mvidi Mukulu. Neikale ne lungenyi, kabidi ne bukole, bivua muambi Eliya nabi. Neatuangaje batatu ne bana. Neapingaje bantomboji mu njila wa bantu bakane. Nealongoluele Maweja-Nangila bantu badi bamuindila.

Yowanane 1:30

Yeye ke umvua muambe ne: “Muntu udi ulua panyima panyi. Kadi udi mumpite meme. Bualu kabayi banji kundela, yeye ukavuaku.”

Marke 1:4

Ke muvua Yowanane mumueneke mu tshipela nanku, uvua utua bantu mu mayi, wela diyi ne: — Kudimunayi nsombelu wenu, banutue mu mayi, Mvidi Mukulu neanujimijile mibi yenu.

Efeze 3:8

Meme ndi mushadile ku bantu bonsu badi bitaba Mvidi Mukulu. Kadi Mvidi Mukulu uvua muntutshishe diakalenga edi: bua mmanyishe bantu ba bisamba bikuabu Lumu lua Disanka lua bubanji bupite butudi tupeta kudi Kristu.

Yeshaya 44:3

Bualu nempuekeshe mayi mu ditunga didi kadiyi mayi. Nempatule tusulu mu buloba buume. Nengitshikije Mueyelu wanyi pa bana bebe. Nengele ndelanganyi yebe lupemba.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

Yowanane 1:15

Yowanane ke uvua muambile bantu bualu buende. Uvua muele diyi dikole ne: — Yeye ewu ke umvua muambe ne: “Muntu neafike panyima panyi udi muntambe meme, bualu kabayi banji kundela, yeye ukavuaku.”

Luke 3:3

Ke kutuadijaye kuendakana mu buloba bujima bua pabuipi ne Yardene. Uvua wela mbila ne: — Akajayi nsombelu yenu. Banutue mu mayi. Nanku Mvidi Mukulu neajimije mibi yenu.

Bienzedi 8:36

Baya too, kufikabu muaba uvua mayi. Muena Kushe kuambila Filipe ne: — Ke mayi aa. Tshidi tshikandika bua kuntuamu ntshinyi? [

Bienzedi 8:38

Kuimanyikaye ditempu. Filipe ne muena Kushe kutuluka, kubuela bonsu babidi mu mayi. Ke Filipe kumutua mu mayi.