Matayi 27:1 - MUKANDA WA MYIDI MUKULU

¹ Patshiatshia, bamfumu bonsu ba batuangaji, ne bakulu ba bena Yuda, kupunga diyi dia kushipesha Yezu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakatshia butuku, bakuidi banene bonso ne bakulu ba bantu bakasangisha dî diabo ne, Tushihai Yesu;

Matayi 27:1 交叉引用

Marke 15:1

Patshiatshia, bamfumu ba batuangaji ne bakulu pamue ne balongeshi ba mikenji kudisangishabu ne bena Tshipangu tshikulu bonsu bua kukosabu tshilumbu. Kusuikabu Yezu mionji, kua kumufila kua Pilate.

Yowanane 18:28

Pashishe kumukabu ne Yezu kua Kayifa, kuyabu nende ku nzubu wa bukalenga wa mulombodi wa ditunga. Bivua dinda dinda. Kadi bamfumu ba bena Yuda kabavua babuela mu nzubu wa bukalenga, bua kabapi mikiya, kadi bapange mua kudia didia dia tshibilu tshia Dipita dia Maweja-Nangila.

Luke 22:66

Butshia, bakulu ba bena Yuda, bamfumu ba batuangaji, ne balongeshi ba mikenji, kudisangisha. Kubikilabu Yezu ku Tshipangu tshiabu tshikulu,

Mika 2:1

Bantu badi bela meji butuku, badilongolola bua kuenza malu mabi, butshia baakumbaja, bualu badi ne bukole bua kuenza, mbena diakabi.

Misambu 2:2

Bakalenga ba pa buloba badi badilongolola ku mvita. Bamfumu badi bumvuangana bua kubenga Maweja-Nangila, kubenga ne mukalenga uvuaye musungule.

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Bienzedi 5:21

Bapostolu kuitaba. Dinda dionsu kubuelabu mu nzubu wa Mvidi Mukulu, kutuadija kulongesha bantu. Pinapu mutuangaji munene ne bavuaye nabu, kusangishabu bakulu ba bena Yuda bonsu mu Tshipangu tshikulu. Pashishe kutumabu bantu bua baye kuangata bapostolu mu nzubu wa lukanu.

1 Samuele 19:11

Shawule kutuma bantu bua balame nzubu wa Davide, bua kumushipa dinda. Kadi, Mikale, mukaji wa Davide, kuambila Davide ne: — Wewe kuyi munyeme butuku ebu, malaba badi bakushipa.

Balombodi 16:2

Bena tshimenga atshi kumanya muvua Shimeshone mu nzubu mua mukaji awu. Nanku kunyungululabu nzubu. Kumualaminabu butuku bujima ku tshiibi tshia tshimenga. Kadi kabena bamuenzele bualu butuku abu to. Bivua bela meji ne: netumushipe amu dinda.

Misambu 31:13

Bakadi bampue muoyi bu mufue, nkadi bu tshibambalu.

Misambu 71:10

Baluishi banyi badi bangelela bifufu bibi, bakeba mudibu mua kunshipa, bamba ne:

Luke 13:1

Diba adi bamue bantu kufika kudi Yezu, bamuambila muvua Pilate mushipeshe bena Ngalileya, diba divuabu balambula Mvidi Mukulu milambu yabu. Mashi abu kubonkana ne mashi a nyama ya milambu.