Matayi 26:3 - MUKANDA WA MYIDI MUKULU

³ Diba adi bamfumu ba batuangaji ne bakulu ba bena Yuda kudisangisha mu lubanza lua mutuangaji munene, dina diende nKayifa.

Mukanda wa Nzambi Dihungila Dikulukulu ne Dihungila Dihia-dihia 2003

³ Dituku adi bakuidi banene ba Nzambi ne bakulu ba bantu bakadisangisha mu nsubu wa muakuidi munene, dina diandi Kayafa;

Matayi 26:3 交叉引用

Yowanane 18:24

Ke Anase kumutuma amu musuika mionji kua Kayifa, mutuangaji munene.

Marke 14:54

Petro uvua ulonda Yezu pa bule. Kubuelaye munda mua lubanza lua nzubu wa mutuangaji munene. Muaba awu, kusombaye ne balami, ota kapia.

Yowanane 18:28

Pashishe kumukabu ne Yezu kua Kayifa, kuyabu nende ku nzubu wa bukalenga wa mulombodi wa ditunga. Bivua dinda dinda. Kadi bamfumu ba bena Yuda kabavua babuela mu nzubu wa bukalenga, bua kabapi mikiya, kadi bapange mua kudia didia dia tshibilu tshia Dipita dia Maweja-Nangila.

Yowanane 11:57

Bamfumu ba batuangaji ne Baparushe bavua bamane kuela mukenji ne: Muntu yeye mumanye muaba udi Yezu, amanyishe bua tumone mua kumukuata.

Yirmeya 17:27

Kadi nuenu kanuyi banteleje, nuenu balengulule dituku dianyi dia Dikisha, nuenu bapitshile ku biibi bia mu Yerushalayime dituku adi ne bujitu panyima, nengoshe tshimenga. Kapia nekabutule nzubu mimpe yonsu, kabayi mua kukajima.”

Yirmeya 11:19

Mvua muana wa mukoku udibu baye nende ku tshishipelu, kayi ubenga. Tshivua mumanye ne: badi bangelela meji mabi. Bavua bambilangana ne: “Tujule mutshi patshidi wu ne bukole. Tuupule. Nanku muntu kamanyi ne: mutshi udi muaba ewu.”

Misambu 56:6

Bindi ngamba, badi babiamba muabu munga. Meji abu adi amu a kungenzela bibi.

Luke 3:2

ne Anase ne Kayifa bavua batuangaji banene. Diba adi, Yowanane, muana wa Zekarya, kumvua diyi dia Mvidi Mukulu mu tshipela.

Matayi 26:69

Petro uvua mu lupangu, musombe pambelu. Muena mudimu mukaji kusemena kudiye, umuamba ne: — Wewe kabidi uvua ne Yezu, muntu wa mu Ngalileya awu.

Matayi 27:27

Basolayi ba Pilate kuya ne Yezu mu lubanza lua mulombodi wa ditunga. Kunguilabu bonsu muaba uvua Yezu.

Marke 14:66

Petro utshivua panshi mu lubanza. Umue wa ku bakaji bena mudimu ba mutuangaji munene kufika.

Marke 15:16

Basolayi kuyabu ne Yezu munda mua lubanza (mmomumue ne: mu lubanza lua nzubu wa mulombodi wa buloba). Kubikilabu basolayi bonsu.

Luke 22:55

Bantu bavua batemesha kapia munkatshi mua lubanza. Nanku Petro kuya kusomba munkatshi mua bavua bota kapia.