Matayi 23:7 - MUKANDA WA MYIDI MUKULU

⁷ Badi bananga bua bantu bahele muoyi ne kanemu, miaba idi bantu bakungila, kabidi bua bababikile ne: “Mulongeshi.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ badi basue bantu babasekelele mu bisalu, badi basue bantu bababikile ne, Labi.

Matayi 23:7 交叉引用

Yowanane 1:38

Yezu ukudimuka, kubamonaye bamulonda. Kubakonkaye ne: — Tshinudi nukeba ntshinyi? Bobu kumuandamuna ne: — Rabi (mmomumue ne “Mulongeshi”), utu usomba penyi?

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Yowanane 20:16

Yezu kumuela diyi ne: — Mariya! Mariya kukudimuka kudiye, umuamba mu buena ebrewu ne: — Rabuni! (mmomumue ne: “Mulongeshi.”)

Yowanane 6:25

Kusanganabu Yezu dishiya dia dijiba. Kumukonkabu ne: — Mulongeshi, udi mufike apa diba kaayi?

Yowanane 3:26

Balongi kuya kudi Yowanane, kumuebeja ne: — Mulongeshi, udi uvuluka muntu unuvua nende dishiya dia Yardene, uuvua utulondela bualu buende awu. Ukadi pende utua bantu mu mayi. Bonsu badi baya kudiye!

Yowanane 3:2

Dituku dikuabu kufikaye kudi Yezu butuku, umuambila ne: — Mulongeshi, tudi bamanye ne: Mvidi Mukulu mmukutume bua kutulongesha. Bualu kakuena muntu udi mua kuenza malu a dikema bu muudi wenza wewe, padi Mvidi Mukulu kayi nende!

Marke 10:51

Yezu kumukonka ne: — Udi musue nkuenzele tshinyi? Mpofu kumuandamuna ne: — Mulongeshi, ngambuluishe bua ntabale tshiakabidi.

Marke 9:5

Ke Petro kuambila Yezu ne: — Mulongeshi, bidi bimpe tuikale muaba ewu. Tuase nzubu ya ntenta isatu, umue webe, mukuabu wa Moshe ne munga wa Eliya.

Matayi 23:8

Kadi nuenu kabanubikidi ne: “Mulongeshi.” Bualu nudi bonsu bantu bamue. Mulongeshi wenu udi amu umue.

Matayi 11:16

Bena tshikondu etshi, ndi mua kubafuanyikija ne banganyi? Ndi mbafuanyikija ne bana badi basomba mu tshialu, banaya. Ke bamue kuambila bakuabu ne:

Matayi 26:25

Yudase uvua upangila Yezu, kumukonka pende ne: — Mfumu wanyi, uudi wamba mmeme anyi? Yezu kumuandamuna ne: — Muudi muambe amu mmomu.

Matayi 26:49

Ke Yudase kufika diakamue kudi Yezu, umuela muoyi: — Mfumu, muoyi awu! Pashishe kumutuaye mishiku.

Marke 11:21

Petro kuvuluka bivua bienzeka, kuambilaye Yezu ne: — Mulongeshi, tangila mutshi wa mfiku uuvua mutshipe, mmumane kuuma onsu.

Marke 12:38

Uvua wambila bantu bavuaye ulongesha ne: — Nudimukile balongeshi ba mikenji. Badi banange mua kuendakana bavuale mintumpu mile, banange bua bahele mioyi ya kanemu miaba idi bantu basangile.

Marke 14:45

Diakamue Yudase ufika, kusemenaye kudi Yezu, umuamba ne: — Mulongeshi! Pashishe kumuelaye mu tshitupa.

Luke 11:43

“Nuenu Baparushe, nudi bena diakabi! Nudi basue kusomba mu nkuasa ya kumpala mu nzubu ya ditendelela. Nudi banange kabidi bua bantu banuele mioyi ya kanemu mu bisalu.

Yowanane 4:31

Diba mene adi balongi kusengelela Yezu bua kudiaye, bamuambila ne: — Mulongeshi, anji ela kantu munda.

Yowanane 9:2

Balongi bende kumukonka ne: — Mulongeshi, muntu ewu mbamulele mpofu bua tshinyi? Mbufumine ku bubi buende anyi bua baledi bende?

Yowanane 11:8

Balongi kumuandamuna ne: — Mulongeshi, kudi matuku makese menemene avuabu bakeba kukuasa mabue bua kukushipa. Wewe udi ujinga kupinganamu kabidi anyi?