Matayi 22:4 - MUKANDA WA MYIDI MUKULU

⁴ Pashishe kutumaye bena mudimu bakuabu, ubambila ne: “Ambilayi bamvua mubikile ne: mpindiewu nkadi mumane kulongolola didia dianyi. Ndi mushipe ngombe milume, ne nyama mikuabu mimpe ya mafuta. Bionsu biakumbanyi! Vuayi mu didia dia dibaka!”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye wakatuma bantu bandi bakuabo kabidi ne, Nuambile bantu banakalayila diambedi ne, Nakulongolola bidia, ngombe yanyi idi mishiha ne bana ba ngombe ba manyi, bintu, bionso biakuhua, luai ku disanka dia dibanji.

Matayi 22:4 交叉引用

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.

Matayi 21:36

Ke muena budimi kutuma tshiakabidi bena mudimu bakuabu ba bungi bapite ba kumpala. Kadi bavua ne budimi, kubenzela anu mushindu umue.

Rome 8:32

Kavua nansha muengeleke Muanende to. Uvua mumufile bualu buetu bonsu. mMunyi mudiye kayi mua kutupesha bionsu pamue ne Muanende?

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Luke 14:17

Diba dia didia dikumbana, kutumaye muena mudimu wende, bua ambile bavuaye mubikile ne: “Luayi mpindiewu, tukadi balongolole bionsu.”

Matayi 22:8

Pashishe kuambilaye bena mudimu bende ne: “Tukadi balongolole didia dia dibaka. Kadi bantu bamvua mubikile, kabatua badikumbanyine to.

Musambu wa Solomo 5:1

Muanetu wa bakaji, mubangila wanyi, ndi mbuela mu budimi buanyi, mpolamu mire wanyi, ne mitshi ya mupuya muimpe, ndilamu buitshi buanyi, nnuinamu maluvu ne mabele anyi. “Balunda banyi, nudie, nunue, dinanga dinukuate.”

Misambu 86:5

Maweja-Nangila wewe udi muakane, udi ne muoyi wa kufuila bantu luse, ne wa kupesha badi bakubikila bintu.

Nehemya 9:17

Bavua babenga kuyitumikila. Kabavua bavuluke malu a dikema, auvua mubenzele. Kukutombokelabu. Bavua basue kupingana mu Ejipitu mu bupika. Kadi wewe, udi Mvidi Mukulu udi ubuikila bubi bua bantu, udi ne luse ne dinanga, lutulu ne muoyi mulenga. Nanku, kuena mubalengulule to.

Nsumuinu 15:17

Mbimpe kudia matamba muaba udibu bakunanga, pa mutu pa kudia munyinyi wa manyi mukupa ne lukinu mu muoyi.

Matayi 22:5

Kadi bavuaye mubikile kabavua bangata dibikila diende ne mushinga. Kuyabu ku midimu yabu, ewu ku budimi buende, munga ku mishinga yende.