Matayi 21:5 - MUKANDA WA MYIDI MUKULU

⁵ “Ambilayi bena mu Siyone ne: Ke mukalenga wenu awu udi ufika kunudi. Udi mudipuekeshe bikole, mubande pa nyama wa mpunde mukaji, ne pa muana wa nyama wa mpunde.”

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nuambile muana mukashi wa Siona ne, Monai, Mukelenge webe ulualua kûdi, Udi ne kalolo, udi wenda ha nyima ha nyama wa mpunda.

Matayi 21:5 交叉引用

Yeshaya 62:11

tshidi Maweja-Nangila ubamanyisha ku ntengu ne ku ntengu ya buloba ne: Ambilayi bena Siyone ne: “Mupandishi wenu udi ufika, udi ufika ne bonsu badiye mupikule, udi ufika ne tshipeta tshia ku mudimu wende.”

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Osheya 1:7

Kadi, ntshidi amu munange bena Yuda. Meme Maweja-Nangila Mvidi Mukulu wabu nembasungidile: tshiyi ne buta bua mbale, tshiyi ne muele, tshiyi nduangana myita, tshiyi ne nyama ya tubalu, tshiyi ne bantu badi babanda pa nyama ya tubalu.”

Yeshaya 40:9

Nuenu bena Yerushalayime, bandayi pa mukuna mutumbuke. Nuenu bena Siyone, koleshayi diyi muenu muonsu. Mbanuambile lumu lua disanka, kanutshinyi mua kuluambila banga bantu. Ambilayi bena mu bimenga bia Yuda ne: “Monayi Mvidi Mukulu wenu.

Yezekiyele 37:24

Muntu mufuanangane ne muntu wanyi Davide neikale mukalenga wenu, mulami wenu umuepele. Nenuitabe meyi anyi. Nenukumbaje mikenji yanyi yonsu imvua munupe.

Yezekiyele 34:24

Meme Maweja-Nangila nengikale Mvidi Mukulu wayi. Muntu wanyi neikale mulami wa bushuwa bu muvua Davide. Meme Maweja-Nangila ndi njadika nanku.

Matayi 11:29

Ambulayi bujitu buanyi pambidi penu. Nuanyishe bua meme kunulongesha, bualu ndi mupole ne mupuekele ku muoyi. Nanku nenupete dikisha mu mioyi yenu.

Matayi 2:6

“Wewe, Betleyeme, musoku wa mu ditunga dia Yudeya, kuena mushadile ku misoku yonsu ya mu ditunga dia Yudeya. Bualu kuudi wewe nkuafumina mfumu, mulombodi wa bantu banyi, bena Izrayele.”

Matayi 2:2

Kukonkabu ne: — Muana udibu balele bua kuikalaye mukalenga wa bena Yuda udi penyi? Tudi bamone mutotu wende luseke ludi diba dipatukila. Ke patudi bafike bua kumukukuila.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

2 Korente 10:1

Meme Polu, ndi ne bua kudilumbuluila mpindiewu. Badi bangamba ne: ndi ne bowa, pandi munkatshi muenu. Kadi pandi kule, ndi nnubela ne dikima. Bu mudi Kristu ne muoyi mulenga wa bupole, ndi nnusengelela ne:

Misambu 9:14

Maweja-Nangila ungambuluishe, tangila mudi baluishi banyi bankengesha bikole. Ungumushe ku kandondu ka bafue.

1 Bakalenga 10:26

Shelomu kusangisha matempu a mvita ne nyama ya tubalu. Uvua ne matempu a mvita tshinunu ne nkama inayi, ne nyama ya tubalu binunu dikumi ne bibidi. Kulamaye tshitupa tshia nyama ya tubalu ayi mu Yerushalayime. Nyama mikuabu kuyabanyabu mu bimenga bivua ne bikumbi Alongolola bua kuyiteka.

1 Bakalenga 1:33

kubatuminaye diyi ne: — Nubikile bena mvita bonsu batshidi bangitaba. Nubandishe muananyi Shelomu pa nyama wa mpunde wa bukalenga. Nuye nende ku mpokolu wa ku Ngikone.

2 Samuele 16:2

Mukalenga Davide kukonka Siba ne: — Bintu ebi mbia tshinyi? Siba kuandamuna ne: — Mukalenga, nyama ya mpunde neyambuluishe bena mudimu bebe bua bikale babandapu. Mampa ne bimuma, nebiambuluishe bena mvita bebe. Maluvu neambuluishe bantu bikale bapungile mu tshipela.

Balombodi 12:14

Uvua mulele bana ba balume makumi anayi. Uvua ne bikulu makumi asatu. Bana abu ne bikulu abu, bavua babanda pa nyama ya mpunde makumi muanda mutekete. Abdone uvua mushale mulombodi wa bena Izrayele bidimu muanda mukulu.

Balombodi 5:10

Nuenu badi babanda pa mpunde, pa mpunde mikaji ya mubidi mutoke, nuenu badi basomba pa biata, nuenu badi bendakana mu njila, buambayi penu tumone.

Dielulula 17:16

Mukalenga awu, kikadi ne tubalu tua bungi. Kena mua kutuma bantu mu Ejipitu bua kutusumba to. Bualu Maweja-Nangila uvua munukandike bua kupingana mu ditunga edi.

Dibadika 24:19

Muntu wa ku ndelanganyi ya Yakobe, neatshimune baluishi bende. Neashidishe bantu bavua bashale ne muoyi mu bimenga biabu.” Balaame udi umanyisha ne: baluishi nebabutuke

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Matayi 21:6

Nanku balongi kuya. Kuenzabu bivua Yezu mubambile.

Luke 24:27

Diba adi Yezu kubumvuija bionsu bivuabu bafunde bualu buende mu Mikanda ya tshijila, kutuadija ku mikanda ya Moshe, too ne ku ya bambi bonsu.