Matayi 20:2 - MUKANDA WA MYIDI MUKULU

² Uvua mumvuangane nabu bua kubateta difutu divua muena mudimu ne bua kupeta, lukanu lumue lua tshiamu tshitoke tshia mushinga mukole ku dituku. Ke kubatumaye bua badime budimi buende bua nwinyo.

Mukanda wa Nzambi Dihungila Dikulukulu ne Dihungila Dihia-dihia 2003

² Yeye wakasangisha nʼabo dî bua kubafuta muntu ndenalio umue muntu ndenalio umue ku dituku ku dituku, wakabatuma mu budimi buandi.

Matayi 20:2 交叉引用

Didimanyisha 6:6

Meme kumvua bu diyi difuma munkatshi mua Bia muoyi binayi, diamba ne: “Kilo umue wa ntete ya kuenza bukula, nansha kilo isatu ya ntete ya orje ikale difutu dia mudimu wa dituku dimue. Kadi kanunyangi mafuta ne maluvu to.”

2 Timote 3:15

Bualu bituadije ku buana buebe, udi mumanye Mikanda ya tshijila, idi mua kukupa meji adi mua kukufikisha ku lupandu, paudi witaba Yezu Kristu.

Luke 10:35

Butshia kupeshaye muena nzubu wa tshilala benyi nkanu ibidi ya tshiamu tshitoke tshia mushinga mukole, umuambila ne: “Ukube muntu ewu bimpe, bamuondape. Makuta onsu awikala mutule mapite pa mutu, meme nenkupingajilewu pangapingena apa.”

Luke 1:15

Bualu neikale muntu munene kumpala kua Maweja-Nangila. Kakunua nwinyo, nansha maluvu makole makuabu. Yeye mutshikale munda mua mamuende, neikale muwule tente ne Mueyelu wa Tshijila.

Matayi 22:19

Ndejayi makuta anudi nuteta nawu tshitadi. Kumulejabu makuta.

Matayi 20:13

Kadi muena budimi kuandamuna umue wa kudibu ne: “Mulunda wanyi, tshiena mudie kantu kebe to. Kuvua muitabe bua kukuata mudimu, kupeta lukanu lumue ku dituku anyi?

Matayi 18:28

Muena mudimu awu upatuka mu nzubu, kumonanganaye ne umue wa ku bena mudimu nende, uvua ne dibanza diende dikese. Kumukuataye mu nshingu, tunubela muminu, wamba ne: “Futa dibanza dianyi diudi nadi!”

Muambi 12:1

Vuluka mufuki webe mu matuku a bunsonga buebe. Umuvuluke, matuku a dikenga kaayi manji kufika. Tshikondu tshikuabu newambe ne: “Bia panu bionsu bidi bintonda.”

2 Kulondolola 34:3

Tshidimu tshia muanda mukulu tshia bukalenga bua Yoshiya, yeye mutshikale nsongalume, kukebaye mua kumanya tshidi Mvidi Mukulu wa nkambua wende Davide musue. Pashishe bidimu binayi bimane kupita, kutuadjaye kumusha miaba ya kutendelela mvidie ya bantu benyiivua mu Yerushalayime, ne mu bukalenga bua Yuda. Kumushaye kabidi makunji ne mpingu bia kutendelela mvidie bia mishindu yonsu.

1 Bakalenga 18:12

Kadi, patuikala bashiyangana nebe, Mueyelu wa Maweja-Nangila neuye nebe muaba mukuabu undi tshiyi mumanye. Pangikala mumane kuambila Akabe ne: muambi Eliya wafiki, pikalabu kabayi bakumona, nebanshipe! Meme Obadya ndi ngitaba Maweja-Nangila muanyi muonsu, biangatshile ku buana buanyi.

1 Samuele 3:21

Maweja-Nangila uvua udimuenesha ku Silo. Bualu ke muaba uvuaye mumuenekela Samuwele bua kumumanyisha meyi ende.

1 Samuele 3:1

Kadi, Samuwele muana uvua wenzele Mvidi Mukulu mudimu, bamulombola kudi mutuangaji Eli. Tshikondu atshi, bua Maweja-Nangila kuyukila ne muntu, nansha kumumuenekela, bivua bualu bukole.

1 Samuele 2:26

Kadi Samuwele muana, uvua ukola anu bimpe, bamuanyisha bikole kudi Maweja-Nangila ne kudi bantu.

1 Samuele 2:18

Kadi Samuwele muana, uvua ukumbaja mudimu wende bimpe kumpala kua Maweja-Nangila, uvuala tshilamba tshia buanda bua ndanda.

Matayi 9:37

Nanku Yezu kuambila balongi bende ne: — Bintu bia kunowa bidi bia bungi, kadi bena mudimu badi mua kubinowa mbakese.

Matayi 20:1

— Umvuayi: Bukalenga bua mu diulu mbufuanangane ne muena budimi uvua mumuke kuende ne dinda dionsu, bua kuangata bantu ku mudimu, bua badime budimi buende bua nwinyo.

Matayi 20:3

Kupatukaye kabidi mu njila diba dia tshitema. Kumonaye bantu bakuabu bimane mu tshisalu, kabayi ne mudimu wa kuenza.

Marke 12:15

Kadi Yezu uvua mumanye ne: mbasokoke meji abu malelela. Kubandamunaye ne: — Nudi nunteta bua tshinyi? Ndejayi lukanu lunudi nalu, ndumone.

Luke 20:24

— Ndejayi lukanu lunudi nufuta nalu tshitadi. Mpala ne dina bidibu bazolapu ebi mbia nganyi? Kuandamunabu ne: — Mbia mukalenga wa bakalenga.

Matayi 20:9

Nanku bavua batuadije mudimu pa diba itanu wa dilolu, kufikabu. Muntu yonsu kuangata lukanu lumue.