Matayi 2:23 - MUKANDA WA MYIDI MUKULU

²³ Kusombaye mu tshimenga tshiyuabu binyika ne: Nazarete. Bionsu ebi bivua bienzeka bua kukumbaja diyi divua bambi bamba ne: “Nebamuinyike ne: mmuena Nazarete.”

Mukanda wa Nzambi Dihungila Dikulukulu ne Dihungila Dihia-dihia 2003

²³ wakalua mu musoko dina diau Nazaleta, wakashikamamu, buala bua kushikisha dî diakamba baprofete ne, Nebamuidike ne, Muena Nazaleta.

Matayi 2:23 交叉引用

Balombodi 13:5

Bualu newimite difu, neulele muana wa balume. Nsongalume ewu, kabena mua kumukosa nsuki to. Bualu yeye kayi muanji kuledibua, mmumane kujidila kudi Mvidi Mukulu. Yeye ke watuadija kusungila bena Izrayele mu bianza bia bena Peleshete.

Marke 1:24

— Wewe Yezu wa mu Nazarete, udi musue kutuenzela tshinyi? Udi mulue kutubutula anyi? Ndi mumanye bimpe ne: udi wa Tshijila, Mvidi Mukulu mmukutume!

Matayi 26:71

Pashishe Petro kuya ku tshiibi tshia lupangu. Mukuabu mukaji muena mudimu kumumona, kuambila bantu bavua kaba aku ne: — Muntu ewu uvua ne Yezu wa mu Nazarete.

Matayi 1:22

Bionsu ebi bivua bienzeke bua kukumbaja bivua Maweja-Nangila muambe mukana mua muambi wende ne:

Bienzedi 24:5

Tudi bamanye se: muntu ewu ntshipupu. Udi utombueja bena Yuda bonsu pa buloba bujima. Udi mfumu wa tshisumbu tshia bena Nazarete.

Bienzedi 2:22

Nuenu bena Izrayele, telejayi tshindi nnuambila: Yezu wa mu Nazarete uvua mufike kunudi mu dina dia Mvidi Mukulu. Mvidi Mukulu kujadika bumfumu buende munkatshi muenu ne bishima bivule, kabidi ne malu a kukema, bivuaye munuenzele kudiye. Bionsu abi, nuenu kabidi nudi babimanye.

Yowanane 19:19

Pilate kufundisha kabidi miaku pa kabaya, bua bakapopele ku mutu kua mutshi mutshiamakane. Bavua bafunde pa kabaya aku ne: “Yezu wa mu Nazarete, mukalenga wa bena Yuda.”

Yowanane 18:7

Ke Yezu kubakonka tshiakabidi ne: — Unudi nukeba nnganyi? Kuambabu ne: — Yezu wa mu Nazarete.

Yowanane 18:5

Bobu kumuandamuna ne: — Yezu wa mu Nazarete. Yezu kubambila ne: — Ke meme ewu. Yudase mumutungidi wa tshitungu uvua muimane pamue nabu.

Luke 2:39

Baledi ba Yezu bamane kukumbaja bionsu bivua mikenji ya Maweja-Nangila miambe, kupinganabu ne Yezu mu Ngalileya mu tshimenga tshiabu tshia Nazarete.

Luke 1:26

Elisabete ukumbaja difu ngondu isambombu, Mvidi Mukulu kutuma mutumibue Ngabriyele, mu tshimenga tshia mu Ngalileya, tshiyuabu binyika Nazarete.

Dibadika 6:13

“Ke mikenji idi itangila muena nazire. Muntu yonsu udi mumane kukumbaja matuku avuaye mudijidile, nebaye nende mu mushiku wa ntenta wa kusambakena.

1 Samuele 1:11

Kumpu muoyi, umfuile luse! Umpesheku muana wa balume. Ndi nditshipa bua kumufila ku mudimu webe kashidi. Kabena mua kumubeya too ne kashidi.”

Matayi 21:11

Bantu bakuabu bavua bandamuna ne: — Yezu, muambi, muena Nazarete wa mu Ngalileya.

Marke 1:9

Mu matuku awu, Yezu uvua utumina ku Nazarete, musoku wa mu Ngalileya. Ke Yowanane kumutua mu mayi mu musulu wa Yardene.

Luke 18:37

Kumuambilabu ne: — Ke Yezu wa mu Nazarete udi upita mu njila emu.