Matayi 2:13 - MUKANDA WA MYIDI MUKULU

¹³ Bena meji bamane kumuka, ke mutumibue wa Maweja-Nangila kumuenekela Yozefe mu tshilota, umuambila ne: — Juka, angata muana ne mamuende, uye kusokomena nabu mu Ejipitu. Ushalemu too ne pangakuambila bua wewe kupingana. Bualu Erode neakebe muana bua kumushipa.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hakayabo, muanjelo wa Mukelenge wakamueneka kudi Yosefe mu tshilota, wakamuambila ne, Bika biebe, angata muana ne baba wandi, unyemena mu Ejipitu, ushaleku tô ne hanakuambila; bualu bua Helode neakebe muana bua kumushiha.

Matayi 2:13 交叉引用

Bienzedi 12:11

Petro kushisha kumanya bivua bimuenzekela, wamba ne: — Mpindiewu ndi mmona bidi bienzeka ebi ne: mbia bushuwa. Maweja-Nangila mmufume mutumibue wende. mMumpatule mu bianza bia Erode, ne mu bualu buonsu bubi buvua bena Yuda bakeba kungenzela.

Bienzedi 10:7

Mutumibue mumane kumuka, ke Korneliyuse kubikila bena mudimu bende babidi, ne musolayi umue wa ku bavua bamulama, uvua pende muntu wa Mvidi Mukulu.

Bienzedi 5:19

Kadi butuku, mutumibue wa Mfumu kunzulula biibi bia nzubu, kupatula bapostolu, ubambila ne:

Matayi 2:12

Kadi Mvidi Mukulu kubadimuja mu tshilota bua kabapinganyi kudi Erode kabidi to. Nanku kupinganabu kuabu mu njila mukuabu.

Matayi 1:20

Kadi patshivuaye wela meji awu, mutumibue wa Maweja-Nangila kumumuenekela mu tshiota, umuambila ne: — Yozefe, muana wa Davide, kutshinyi kuangata mukajebe Mariya, bualu difu didiye nadi ndia ku bukole bua Mueyelu wa Tshijila.

Ekesode 1:22

Kadi mukalenga wa bena Ejipitu, kuambila bantu bende bonsu ne: — Muana wa balume yonsu udi bena Izrayele balele, numuele mu musulu wa Nile. Nulekele anu bana ba bakaji ne muoyi.

Matayi 2:16

Erode kujingulula ne: bena meji mbanshime, kufikaye munda bikole. Kutumaye diyi bua bashipe bana ba balume bonsu ba mu Betleyeme, ne ba mu misoku ivua pabuipi. Bana aba bavua ne bidimu bibidi anyi bishadile, bilondeshile tshikondu tshivua bena meji bamujadikile bua dimueneka dia mutotu.

Yobe 33:15

Udi wakula mu ndota nansha mu malu adiye uleja, patudi tulala tuikisha butuku.

Yobe 33:17

Udi musue tudilengeje, tulekele kuditambisha.

Yoshua 4:18

Batuangaji kuitaba. Amu bobu bamane kumuka mu mayi, bafike ku muelelu, musulu kupingana muawu mua kale, kuwula tente too ne ku bibungubungu.

Didimanyisha 12:14

Kadi mukaji uvua mupete mapuapua abidi bu a nyunyi wa tshiminyi. Kubuukaye nawu mu tshipela too ne ku muaba wende, uvuabu ne bua kumudishila bidimu bisatu ne tshitupa, muaba uvua nyoka kayi mua kumupeta.

Bienzedi 16:36

Ke mulami kuvua kuambila Polu ne: — Balombodi ba tshimenga mbatume diyi, bua bamupatule mu lukanu. Nanku nudi mua kupatuka. Nuaya amu bimpe!

Bienzedi 10:22

Bantu kuandamuna ne: — Korneliyuse, mulombodi wa tshisumbu tshia basolayi, mmututume. Udi muntu muimpe, muitabi wa Mvidi Mukulu. Bena Yuda bonsu badi bamuanyisha. Mutumibue wa Mvidi Mukulu mmumulombe, bua akubikidishe kuende, umvue malu audi mua kumuambila.

Bienzedi 7:19

Mukalenga awu kudinga bana betu, kukengesha bankambua, kubenzeja ku bukole bua bashiye bana babu batekete mu tshisuku, bafue.

Matayi 10:23

Panukengeshabu mu tshimenga kampande, nuye kusokomena mu tshikuabu. Ndi nnujadikila bulelela ne: Muana wa muntu neafike, kanuyi banji kujikija mudimu wenu mu bimenga bionsu bia bena Izrayele.

Yoshua 3:17

Batuangaji bavua bambula mushete wa tshijila, kuimana balulame mu lusenga lume, munkatshi mua musulu wa Yardene, too ne mudi bonsu basabuka bafika dia muamua ku makasa kume.

Didimanyisha 12:6

Mukaji kunyemena mu tshipela, muvua Mvidi Mukulu mumulongoluele muaba, bua kumudishilamu matuku tshinunu nkama ibidi ne makumi asambombu.

Yoshua 4:10

Batuangaji, bavua bambule mushete wa ndondu, kuimanabu munkatshi mua Yardene too ne padi bena Izrayele bakumbaja bionsu bivua Maweja-Nangila mubambile kudi Yoshuwa. Ke muvua Yoshuwa mukumbaje bionsu bivua Moshe mumuambile nanku. Bena Izrayele kusabuka musulu lukasa.

Yoshua 3:13

Padi batuangaji badi bambula mushete wa tshijila, babuela mu Yardene, diakamue mayi awu neakosoloke. Mayi a ku mutu neimane dibula.

Didimanyisha 12:4

Kukombaye tshia bisatu tshia mitotu ya mu diulu ne mukila wende, uyimansha pa buloba. Uvua muimane kumpala kua mukaji ukavua pa kulela, bua kuminaye muana diakamue diba diapatukaye munda.

Matayi 2:22

Kadi Yozefe kumvua lumu ne: Arkelawuse mmushale mukalenga wa ditunga dia Yudeya, mupingane tatuende Erode. Nanku Yozefe kumvua bowa bua kuya kusomba mu Yudeya. Mumane kumvua mu tshilota tshivuaye ne bua kuenza, kuyaye mu buloba bua Ngalileya.

1 Bakalenga 3:5

Patshivua Shelomu ku Ngibone, Maweja-Nangila Mvidi Mukulu kumumuenekela butuku mu tshilota, umukonka ne: — Udi musue nkupeshe tshinyi? Lomba tshintu tshiudi musue bua meme kukupa!

Matayi 2:14

Nanku Yozefe kujuka, kuangata muana ne mamuende, kuya nabu butuku mu Ejipitu.

Bienzedi 12:7

Bu mpindiewu, mutumibue wa Maweja-Nangila kumueneka. Butoke kukenka mu tshibambalu. Mutumibue kunyungisha Petro mu lubadi, kumubisha, umuamba ne: — Juka lukasa! Diba adi nkanu ivuabu bamusuike ku bianza kukoseka, kupona panshi.

1 Bakalenga 11:17

Tshikondu atshi, Adade utshivua anu nsongalume. Kunyemaye, kuya mu Ejipitu ne bena Edome bakuabu bavua bena mudimu ba tatuende.