Matayi 19:4 - MUKANDA WA MYIDI MUKULU

⁴ Yezu kuandamuna ne: — Kanuena babale tshidi mukanda wa Mvidi Mukulu ulongesha anyi? Badi bafundamu ne: “Ku tshibangidilu, Mufuki wakabenza ewu mulume, ewu mukaji.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye wakandamuna ne, Nuenu kanuakubala ne, Ku tshibangidilu mufuki wakabafuka mulume ne mukashi,

Matayi 19:4 交叉引用

Genese 2:23

Mulume umona mukaji, kuelaye diyi dikole wamba ne: “Mpindiewu mbapetshi wa ku meme, munyinyi wa ku munyinyi wanyi, mufuba wa ku mifuba yanyi. Nebamubikile ne: ‘Mmukaji’, bualu mmufumine kudi mulume.”

Genese 1:27

Mvidi Mukulu kufuka bantu, bafuane Mvidi Mukulu mene. Kubafukaye mulume ne mukaji.

Genese 5:2

Kubafukaye mulume ne mukaji. Kubelaye lupemba, kubinyika dina dia bantu.

Malaki 2:15

Maweja-Nangila ki ngudi munuenze nende muntu umue ku mubidi ne ku lungenyi anyi? Tshidi muntu umue awu wipatshila ntshinyi? Nkupeta bana badi bantu ba Mvidi Mukulu! Nenku nudilame bimpe, kanulekedi mukaji unuvua basele ku buana buenu.

Luke 10:26

Yezu kumuela kabidi lukonku ne: — Mu mikenji yetu mbafunde tshinyi? Tshiudi ubalamu ntshinyi?

Genese 2:18

Maweja-Nangila Mvidi Mukulu kuamba ne: “Ki mbimpe bua mulume ikale nkayende nansha. Ndi musue kumuenzela mukuende wa bu yeye udi mua kumuambuluisha.”

Matayi 22:31

Kadi bua dibika dia bafue, kanuena babale bivua Mvidi Mukulu munujadikile ne:

Matayi 12:3

Yezu kubandamuna ne: — Kanuena babale tshivua Davide muenze dituku dikuabu, pavua nzala mibasume, yeye ne bantu bende, anyi?

Marke 12:26

Kadi bua bantu bafue, ne bua dibiika diabu ku lufu. Kanuena babale mu mukanda wa Moshe bivua Mvidi Mukulu muambe mu tshipuka tshitema kapia anyi? Mbafundemu ne: Mvidi Mukulu uvua muambile Moshe ne: “Ndi Mvidi Mukulu wa Abrahame, Mvidi Mukulu wa Izake, ne Mvidi Mukulu wa Yakobe.”

Marke 12:10

Kanuena banji kubala bulelela, mudi Mukanda wa tshijila, wamba ne: “Ke dibue divua bibaki bimanshe, dikadi dibue didi dishindika nzubu.

Marke 2:25

Yezu kubandamuna ne: — Kanuena banji kubala muvua Davide muenze ne bantu bende, pavua nzala mibasume anyi?

Matayi 21:42

Ke Yezu kubambila ne: — Kanuena banji kubala mukanda wa Mvidi Mukulu anyi? Mbafundemu ne: “Dibue divua bibaki bimansha, ndishale dibue didi dishindika nzubu. Ke mudi Maweja-Nangila muenze nanku. Bualu bua dikema butuvua bamone!

Luke 6:3

Yezu kubandamuna ne: — Kanuena babale tshivua Davide wenza dituku divua nzala mibasume, yeye ne bantu bende, anyi?

Matayi 21:6

Nanku balongi kuya. Kuenzabu bivua Yezu mubambile.

2 Kulondolola 24:3

Yoyada kuselesha Yowashe bakaji babidi. Yowashe kulela nabu bana ba balume ne ba bakaji.