Matayi 18:5 - MUKANDA WA MYIDI MUKULU

⁵ Muntu udi wakidila muana bu ewu mu dina dianyi, udi ungakidila meme.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Witabusha muana mukese nunku mu dina dianyi udi ungitabusha meme;

Matayi 18:5 交叉引用

Matayi 25:40

Mukalenga neabandamune ne: “Ndi nnujadikila bulelela ne: bilenga bionsu binuvua benzele umue wa ku bana betu bakese aba, ke meme unuvua babienzele.”

Ngalate 4:14

Disama dimvua nadi, divua dinuelesha meji bikole. Kadi kanuvua bampetule, nansha bambenge. Nuvua bangakidile anu bu mutumibue wa Mvidi Mukulu, nansha bu Yezu Kristu mene.

Yowanane 13:20

Ndi nnujadikila ne: muntu wakidila muntu undi ntuma, udi ungakidila meme. Muntu udi ungakidila udi wakidila uvua muntume.

Marke 9:37

— Muntu udi wakidila umue wa ku bana bakese aba mu dina dianyi, udi ungakidila meme. Muntu udi ungakidila, kena ungakidila amu meme, udi wakidila kabidi uvua muntume.

Luke 9:48

ubambila ne: — Muntu udi wakidila muana ewu mu dina dianyi, mmungakidile meme mene. Udi ungakidila meme, udi wakidila kabidi uvua muntume. Bualu udi mushadile kunudi nuenu bonsu, ke udi mupite bonsu mene.

Marke 9:41

Muntu wanupesha dikopu dia mayi a kunua mu dina dianyi, bualu nudi ba Kristu, ndi nnujadikila ne: neapete difutu diende.

Matayi 25:45

Mukalenga neabandamune ne: “Ndi nnujadikila bulelela ne: bilenga bionsu binuvua kanuyi benzele umue wa ku bakese aba, ke meme mene unuvua babenge kubienzela.”

Matayi 7:8

Bualu muntu yonsu udi ulomba, udi upeta. Udi ukeba, udi usangana. Udi ukokola, badi bamunzuluile tshiibi.

Matayi 18:4

Udi mupite bakuabu mu Bukalenga bua mu diulu ngudi udipuekesha, udienza bu muana ewu.

Matayi 18:6

— Yonsu udi wenzeja umue wa ku bana aba badi bangitaba bualu bubi, mbimpe bamusuike dibue dinene dia tshipelelu mu nshingu, bamuele muinshi mua mayi manene.