Matayi 15:4 - MUKANDA WA MYIDI MUKULU

⁴ Bualu Mvidi Mukulu uvua muambe ne: “Nemeka tatuebe ne mamuebe.” Uvua muambe kabidi ne: “Udi wamba tatuende nansha mamuende bibi, basangane kumushipa anyi? Bamushipe!”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nzambi wakamba ne, Unemeke tatuʼebe ne mamuʼebe; yeye wakamba kabidi ne, Udi wamba mei mabi bua tatuʼandi anyi mamuʼandi afue biandi bulelela.

Matayi 15:4 交叉引用

Ekesode 20:12

“Nemeka tatuebe ne mamuebe, nanku neulale bidimu bia bungi pa buloba bundi meme Maweja-Nangila Mvidi Mukulu webe mukupeshe.

Lewitiki 20:9

“Muntu yonsu udi utshipa tatuende nansha mamuende, badi ne bua kumushipa. Yeye nkayende ke udi mudikebele lufu, bualu udi utshipa baledi bende.

Ekesode 21:17

“Muntu udi wela tatuende nansha mamuende milawu, numushipe.

Dielulula 5:16

“Muntu yonsu wa kunudi anemeke tatuende ne mamuende, mundi munuambile. Nanku nenuikale bena diakalenga mu ditunga, dindi meme Maweja-Nangila Mvidi Mukulu wenu munupeshe bua nushalemu ne muoyi matuku a bungi.

Nsumuinu 23:22

Teleja tatuebe, bualu mmukulele. Kupepeji mamuebe pakadiye mukulakaje.

Lewitiki 19:3

“Muntu yonsu wa kunudi anemeke tatuende ne mamuende, kabidi anemeke dituku dia Dikisha. Bualu Meme ndi Maweja-Nangila Mvidi Mukulu wenu.

Matayi 19:19

Nemeka tatuebe ne mamuebe. Nanga mukuebe muudi mudinange wewe mene.

Efeze 6:1

Bana, nudi ne bua kutumikila baledi benu. Ke munudi nuleja munudi nutumikila Mfumu.

Nsumuinu 20:20

Padi muntu utshipa tatuende nansha mamuende, neamone matuku ende a panu akoseka bu mudi muendu ujima mu miidima.

Dielulula 27:16

“Muntu yonsu udi kayi unemeka tatuende ne mamuende, asangane muena tshibawu kuenza anyi?” Bantu bonsu ne: “Enze!”

Rome 3:31

Nanku bualu bua ditaba tudi tunyanga mushinga wonsu wa mikenji anyi? Nansha kakese! Ke mutudi tuangata mikenji ne mushinga wayi menemene.

Nsumuinu 30:17

Padi muntu useka tatuende, nansha ubenga kuitaba ku diyi dia mamuende, bikololu nebimutonkole mesu, biminyi nebimudie.

Matayi 4:10

Kadi Yezu kumuandamuna ne: — Diabolu, umbuka! Bualu Mukanda wa tshijila udi wamba ne: “Kukuila Maweja-Nangila Mvidi Mukulu webe. Umuenzele amu Yeye nkayende mudimu.”

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Matayi 15:3

Yezu kubakonka pende ne: — Kadi nuenu nudi nubenga kukumbaja tshidi Mvidi Mukulu musue, nulonda anu bibidilu bienu nkayabi bua tshinyi?

Matayi 15:5

Kadi nuenu nudi nulongesha bantu ne: “Pikala muntu muambile tatuende nansha mamuende ne: ‘Bintu bimvua mua kubambuluisha nabi, ndi mbilambula Mvidi Mukulu’,