Matayi 14:3 - MUKANDA WA MYIDI MUKULU

³ Bualu Erode ke utua mutume diyi kale, bua bakuate Yowanane, bamusuike mionji, bamuele mu nzubu wa lukanu. Uvua muenze nanku anu bualu bua Erodiyade, mukaji wa Filipe wabu.

Mukanda wa Nzambi Dihungila Dikulukulu ne Dihungila Dihia-dihia 2003

³ Helode wakamana kukuata Yone, wakamusuika, wakamubuesha mu nsubu wa lukanu bualu bua Helodia, mukashi wa muanʼabo Filipo.

Matayi 14:3 交叉引用

Marke 6:17

Erode nkayende ke uvua mukuatshishe Yowanane, mumusuikishe nkanu, mumueleshe mu nzubu wa lukanu. Erode uvua muenze nanku bualu uvua musele Erodiyade mukaji wa muanabu Filipe.

Matayi 4:12

Yezu umvua ne: mbele Yowanane mu nzubu wa lukanu, kumukaye bua kuya mu Ngalileya.

Marke 6:22

Muana wa bakaji wa Erodiyade, kubuela mu nzubu, kujaye maja, kusankisha Erode ne benyi bende. Ke mukalenga kuambila nsongakaji awu ne: — Undombe tshionsu tshiudi musue, nenkupetshi.

Marke 6:19

Erodiyade uvua mulamine Yowanane lukuna. Uvua ukeba mua kumushipesha, kadi kavua ne tshia kuenza to.

Matayi 11:2

Yowanane-Batiste uvua mu lukanu. Kumvuaye balonda malu avua Kristu wenza. Kutumaye balongi bende bakuabu kudi Kristu,

Luke 13:1

Diba adi bamue bantu kufika kudi Yezu, bamuambila muvua Pilate mushipeshe bena Ngalileya, diba divuabu balambula Mvidi Mukulu milambu yabu. Mashi abu kubonkana ne mashi a nyama ya milambu.

Matayi 14:6

Kadi dituku dia mufikilu wa diledibua dia Erode, muana wa bakaji wa Erodiyade uvua uja maja, bantu bonsu batua Erode mubikile batangile. Nsongakaji awu uvua mupite kusankisha Erode.

Marke 6:14

Mukalenga Erode uvua mumvue bantu batumbisha Yezu bikole. Bamue bavua bamba ne: — Yowanane-Batiste mmubiike ku lufu! Ke padiye ne bumfumu bua kuenza malu a kukema.

Marke 8:15

Yezu kubabela ne: — Nuadimuka bikole, nuepuke buanga budi butuntumuna mampa bua Baparushe ne Erode!

Luke 3:1

Tshidimu tshia dikumi ne tshitanu tshia bukalenga bua mukalenga wa bakalenga Tiberiyuse, Ponsiyo Pilate uvua mutangidi wa buloba bua Yudeya, Erode uvua mukalenga mu buloba bua Ngalileya, muanabu Filipe mu buloba bua Itureya ne bua Trakonitise, Lisaniyase uvua mukalenga mu buloba bua Abilene,

Luke 8:3

Yowana, mukaji wa Kuza, mulongolodi wa malu mu nzubu wa mukalenga Erode, Suzane, ne bakaji bakuabu bavule bayua bangata biuma biabu, bua kuambuluisha nabi Yezu ne balongi bende.

Luke 13:31

Diba adi bamue Baparushe kusemena kudi Yezu, bamuambila ne: — Umbuka munu. Uye muaba mukuabu, bualu Erode udi ukeba kukushipesha.

Luke 23:7

Pilate umvua ne: Yezu udi ufuma mu buloba budibu balombola kudi Erode, kumutumaye kudiye. Matuku awu Erode kabidi uvua mu Yerushalayime.

Luke 23:11

Erode ne basolayi bende batua baseka Yezu, bamupepeja. Kumutuadikabu tshilamba tshimpe tshitoke, kumupingaja kudi Pilate.

Bienzedi 4:27

Bushuwa, mu tshimenga emu, Erode ne Ponsiyo Pilate, bantu benyi ne bena Izrayele, mbumvuangane bua kubenga muntu webe wa tshijila Yezu uudi musungule.

Bienzedi 12:1

Tshikondu atshi mukalenga Erode kutuadija kukengesha bamue ba mu Tshisumbu tshia bena ditaba.