Matayi 13:12 - MUKANDA WA MYIDI MUKULU

¹² Bualu muntu udi ne tshintu, neapete tshikuabu. Nanku neikale nabi bivule. Kadi udi kayi natshi, nebamunyenge tshikese tshidiye natshi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua muntu yonso udi ne bintu, nebamuhe binga, neikale ne bia bungi; kadi muntu yonso udi kai ne tshintu, nebamunyenge tshidiye nʼatshi.

Matayi 13:12 交叉引用

Matayi 25:29

Bualu muntu yonsu udi ne tshintu, nebamupeshe bikuabu, bua biende bivulangane bipite. Kadi udi kayi ne tshintu, nebamunyenge ne tshikese tshidiye natshi.

Luke 8:18

Nuikale ne ntema, nuteleje bimpe! Bualu udi ne tshintu, neapete bipite. Kadi udi kayi natshi, nebamunyenge bikese bidiye wela meji ne: ndi nabi.

Didimanyisha 2:5

Nanku vuluka muuvua kulu, wewe kupona panshi. Udilengeje, wenze bu muuvua muenze ku mbangilu. Kuyi mudilengeje, nemfike kuudi, ngumushe tshitekelu tshiebe tshia miendu pa muaba watshi.

Luke 16:25

Kadi Abrahame kumuandamuna ne: “Muananyi, vuluka ne: uvua mupete biuma bia bungi, pautshivua ne muoyi panu. Diba adi Lazare uvua ne makenga mavule. Mpindiewu badi bamusamba munemu, kadi wewe udi mu dikenga.

Matayi 21:43

— Ke Yezu kuamba kabidi ne: ke pandi nnujadikila ne: nebanunyenge Bukalenga bua Mvidi Mukulu, bua kubupesha tshisamba tshidi mua kukuama bimuma bilenga. [

Luke 16:2

Nanku muena biuma kubikila muntu awu, umukonka ne: “Bualu bundi ngumvua bakuamba ebu budi bishi? Badika bintu bianyi bionsu, bualu kuakundamina kabidi bintu to.”

Luke 10:42

Kadi kudi bualu bumuepele bunudi nukengela. Mariya mmusungule tshidi tshipite buimpe, tshidibu kabayi mua kumunyenga.

Luke 9:26

Pikala muntu umfua meme bundu, ubenga kuitaba patoke miaku yanyi, Muana wa muntu neamufue kabidi bundu, paluaye mu butumbi buende, ne mu butumbi bua Tatu, ne bua batumibue bende ba tshijila.

Marke 12:9

Yezu kubakonka ne: Nenku muena budimi bua nwinyo udi mua kuenza tshinyi? Muena budimi bua nwinyo nealue, neashipe bafutshidi ba budimi bua nwinyo, neafile budimi kudi bantu bakuabu.

Luke 12:48

Kadi muena mudimu udi wenza malu makanyina dinyoka, kayi mumanye tshidi mfumuende musue, nebamutuute kakese. Muntu muabu bapeshe bia bungi, nebamulombe bia bungi. Uvuabu bambike bia bungi, nebamulombe bipite.

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”