Matayi 12:7 - MUKANDA WA MYIDI MUKULU

⁷ Bu nuenu bumvue mene tshidi miaku ya mu Mukanda wa tshijila yamba ne: “Ndi njinga bua nuikale ne luse, tshiena ndomba bua nundambule milambu nansha,” kanuvua mua kudiwula bantu badi kabayi ne bualu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bu nuenu bamanye dî edi ne, Ndi musue luse, tshiena nsua nyama minshihela, kanuakadi kuhisha badi kaba! ne dihila.

Matayi 12:7 交叉引用

Osheya 6:6

Tshindi nkeba ndinanga, ki mmilambu to. Ndi musue bua bantu benze tshindi njinga. Kadi, tshiena musue bua bandambule anu milambu ya nyama nansha.”

Matayi 9:13

Nuye kuela meji bua kumvua tshidibu bafunde mu Mukanda wa tshijila ne: “Ndi musue bua nufuilangane luse. Tshiena njinga bua nundambule nyama nansha.” Bualu tshiena umvue bua kubikila bantu bimpe, kadi anu babi.

Nsumuinu 17:15

Mubingishi wa muena tshibawu, ne mupishi wa muntu muakane, mbantu babidi badi Maweja-Nangila udiwula mushindu wa momumue.

Bienzedi 13:27

Bualu bena mu Yerushalayime, ne bamfumu babu, kabavua bamanye ne: Yezu udi nganyi. Nanku kabavua bajingulule miaku ya bambi, ivuabu bababadila dituku dionsu dia Dikisha. Kadi bavua bakumbaje miaku eyi pa kufundila Yezu tshibawu tshia lufu.

Matayi 22:29

Yezu kubandamuna ne: — Nudi batupakane bikole! Bualu kanuena bajingulule tshidibu bafunde mu Mukanda wa tshijila. Kanuena nansha bamanye bukole budi Mvidi Mukulu nabu.

Misambu 94:21

Badi belela bantu bakane tshifufu, bapisha muntu udi kayi ne bualu.

Yakobe 5:6

Nuvua bapishe, bashipeshe bantu bavua kabayi ne bualu, kabayi nansha banutuila nkanana.

Misambu 109:31

Bualu udi wakuila mupele bua kumusungidila, kudi badi bakeba kumushipa.

Yobe 32:3

Uvua kabidi mufikile bantu basatu aba munda, bualu kabavua mua kuandamuna Yobe, bafuana kupisha nanku Mvidi Mukulu.

1 Samuele 15:22

Samuwele kukonka Shawule ne: — Maweja-Nangila udi usanka bua milambu ya bungi idibu bamulambula, anyi udi usanka bua mikenji yende idibu batumikila? Milambu kayena imusankisha to. Bualu, kutumikila Maweja-Nangila, kuenza tshidiye muambe, nkupite milambu ya nyama, nansha yoyi ne mafuta a bungi.

Marke 12:33

Nenku, muntu udi ne bua kunanga Mvidi Mukulu ne muoyi wende onsu, ne lungenyi luende luonsu ne bukole buende buonsu. Udi ne bua kunanga kabidi muntu nende bu mudiye mudinange yeye mene. Kuenza nanku nkupita kuoshila Mvidi Mukulu nyama pa tshilambuilu ne kumulambula milambu ya mishindu yonsu.

Yoshua 5:5

Nanku bana ba balume bonsu ba-vuabu balelela mu tshipela kudi bena Izrayele, kabawa babateke panshi to. Ke pavua Yoshuwa ne bua kubateka panshi.