Marke 7:4 - MUKANDA WA MYIDI MUKULU

⁴ Padibu batumine mu tshisalu, kabena mua kudianza kudia kabayi bowa mayi nansha. Badi balonda bibidilu bikuabu bia bungi bidibu balama: bu mudi kusukula makopu, mabungu, ngesu ya tshiamu tshikunze ne malalu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ hafumabo ku tshisalu, kabena badia, anu howabo; badi bitabusha kabidi bilele bikuabo bia bungi, bu kuvua kua mpanza ne ngesu ne bintu bidi bienjibua ne tshiamu tshia mitaku.

Marke 7:4 交叉引用

Ebrewu 9:10

Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.

Matayi 23:25

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nusukula panyima pa dikopu ne pa dilonga. Kadi munda muabi mudi amu biakudia binuvua bibe, nansha bapete ku lukuka.

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!

Yowanane 2:6

Muaba awu usua milondu isambombu ya mabue ivua bena Yuda balamina mayi bua kuowabu, bu mudi mikenji yabu yamba. Mulondu onsu usua mua kubuela litre lukama.

Yirmeya 4:14

Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Yeshaya 1:16

Dilongololayi, nudikobolole, nubenge buenzayi, tshibumvu kabidi nansha. Kanuenji kabidi bibi to.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.

Matayi 27:24

Pilate umona ne: kumuena mushindu wa kutungunuka, bualu mutoyi wa bantu uvua anu wenda uvulangana, kuangataye mayi, kowaye bianza, bantu batangile, wamba ne: — Tshilumbu tshia lufu lua muntu ewu katshinkuatshi! Buenu bualu!

Misambu 26:6

Nengowe bianza, ndeja ne: tshiena ne bualu. Maweja-Nangila, nentendelele, nyungulukile tshilambuilu tshiebe.

Yowanane 3:25

Bamue balongi ba Yowanane kutuadija kuelangana mpata ne muena Yuda pa mikenji ya dikobolola.

Yirmeya 35:5

Yirmeya kuteka milondu miwule tente ne maluvu, ne makopu kumpala kua bena Rekabe. Pashishe kubambilaye ne: — Nuayi maluvu makese aa.

Matayi 23:26

Wewe Parushe, udi mpofu! Usukule bangabanga munda mua dikopu. Nanku panyima padi, nepikale pimpe kabidi.

Marke 7:8

Yezu kubambila ne: Nudi nulekela mikenji ya Mvidi Mukulu, nulonda malongesha a bantu.