Marke 7:18 - MUKANDA WA MYIDI MUKULU

¹⁸ Kubakonkaye ne: — Nuenu kabidi, kanuena bamanye mua kujingulula anyi? Kanuena bajingulula ne: kakuena tshintu nansha tshimue tshia pambidi pa muntu tshidi tshibuela munda muende bua kumunyanga?

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yeye wakabakonka ne, Nuenu kabidi kanuena bamanye bualu ebu, anyi? Kanuena bamanye ne, Tshintu tshionso tshidi hamʼbidi handi, biabuelatshi munda mua muntu, katshiena tshimanye mua kumubihisha?

Marke 7:18 交叉引用

Ebrewu 5:11

Tudi ne malu a bungi a kulongesha pa bualu ebu. Kadi mbikole bua tuetu kunujinguluilawu, bualu nudi ne lujoku ku diumvua.

Luke 24:25

Nanku Yezu kubambila ne: — Nudi bantu badi kabayi mua kujingulula malu! Bidi binukolela bua kuitaba lukasa bionsu bitua bambi banumanyisha!

Matayi 16:11

Munudi kanuyi bumvue mbishi? Tshivua muakule bua mampa to! Dimukayi. Kanuangatshi buanga bua mampa bua Baparushe ne Basaduke.

1 Korente 3:2

Ke pamvua mununuishe mabele, tshiyi mua kunupa biakudia bikole, bualu kanuena banji kupeta bukole bua kubidia. Nansha mpindiewu mene kanuena banji kupeta bukole bua kubidia,

Yowanane 3:10

Yezu kumuandamuna ne: — Wewe udi mulongeshi wa bena Izrayele, udi mumanyike bikole, muudi kuyi mumanye malu aa mbishi?

Marke 4:13

Pashishe Yezu kubakonka ne: — Kanuena nujingulula lusumuinu elu anyi? Kadi munudi mua kujingulula nsumuinu mikuabu mbishi?

Matayi 15:11

Tshidi tshibuela mukana mua muntu ki ntshidi tshimupisha mikiya to. Kadi amu tshidi tshipatukamu, ke tshidi tshimupisha mikiya.

Marke 7:17

Yezu mumane kushiyangana ne bantu, kubuelaye mu nzubu, balongi bende kumukonka bua kubajinguluilaye lusumuinu alu.

Marke 7:19

Bualu tshintu etshi katshiena tshibuela mu muoyi wende. Kadi tshidi tshibuela mu difu diende, pashishe tshipatuka. (Pavuaye wakula nanku, uvua ubambila ne: biakudia bionsu, bantu badi mua kubidia.)