Marke 6:6 - MUKANDA WA MYIDI MUKULU

⁶ Uvua ukema bikole muvuabu bapange mua kumuitaba. Pashishe Yezu uvua ulongesha bantu mu misoku yonsu ya ku mpenga.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Wakakema bualu bua huhidia buabo. Yeye wakendakana mu misoko ubayisha.

Marke 6:6 交叉引用

Matayi 9:35

Yezu uvua upitshila mu bimenga bionsu ne mu misoku yonsu. Uvua ulongesha mu nzubu ya kutendelela ya bena Yuda. Uvua wenda wambila bantu Lumu lua Disanka lua Bukalenga bua Mvidi Mukulu. Uvua ujikija masama ne matekete onsu a bantu.

Matayi 8:10

Yezu umvua miaku ayi, kukemaye. Kuambilaye bantu bavua bamulonda ne: — Ndi nnuambila bulelela ne: tshiena muanji kumona muntu ne ditaba dia mushindu ewu munkatshi mua bena Izrayele.

Luke 13:22

Mu luendu luende lua kuya ku Yerushalayime, Yezu uvua upitshila mu bimenga ne mu misoku, wenda ulongesha bantu.

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.

Yeshaya 59:16

Maweja-Nangila uvua mumone muvua muntu nansha umue kayi wambuluisha bavuabu bakengesha. Uvua ukema, bua pavua bantu kabayi bambuluishangana. Ke mudiye musue kukuata mudimu yeye mene. Bu mudiye unanga bantu, udi ukeba kubasungidila.

Yowanane 9:30

Muntu kubandamuna ne: — Ebu mbualu bua dikema! Kanuena bamanye kudiye mufume, kadi mmuntabaje mesu!

Matayi 4:23

Yezu uvua wendakana mu ditunga dia Ngalileya dijima. Uvua ulongesha mu nzubu ya kutendelela, wambila bantu Lumu lua Disanka lua Bukalenga. Uvua ujikija kabidi masama ne matekete onsu avua bantu nawu.

Yirmeya 2:11

Nenujadike ne: kakuena tshisamba tshidi tshianji kubenga mvidie yatshi. Kabidi mvidie ayi, kayena nansha mvidie ya bushuwa! Kadi, tshisamba tshianyi tshia bena Izrayele, nansha bobu bamane kumona butumbi buanyi, kumbengabu, kunshintakaja ne mvidie idi kayiyi mua kubambuluisha.

Luke 4:44

Nanku kuyaye kulongesha mu nzubu ya ditendelela ya mu ditunga dia Yudeya.

Luke 4:31

Ke Yezu kuya ku tshimenga tshia Kefamawume, mu ditunga dia Ngalileya. Dituku dia dikisha uvua ulongeshamu bantu.

Marke 1:39

Yezu uvua wendakana mu Ngalileya mujima, ulongesha mu nzubu ya kutendelela ya bena Yuda, uvua wipata ne mikishi mibi.

Marke 10:1

Yezu kumuka aku, kuyaye mu buloba bua Yudeya, pashishe ne dia muamua dia Yardene. Bantu bavule kudisangisha kuvuaye. Pamue ne balongi bende, kubangaye kulongesha amu bu pa tshibidilu.