Marke 6:12 - MUKANDA WA MYIDI MUKULU

¹² Balongi kuyabu kulongesha bantu: bua balengeje nsombelu yabu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bakaya, bakambila bantu bualu bua Nzambi ne, Kudimunai mitshima yenu.

Marke 6:12 交叉引用

Matayi 4:17

Biangatshile tshikondu atshi, Yezu kutuadija kulongesha bantu, wamba ne: — Kudimunayi mioyi yenu, bualu Bukalenga bua mu diulu bukadi pabuipi.

Bienzedi 20:21

Mvua ndomba bena Yuda ne bantu ba bisamba bikuabu, bua badilengeje, bapingane kudi Mvidi Mukulu, bitabe Mfumu wetu Yezu.

Bienzedi 11:18

Miaku ayi kubatalaja. Kutumbishabu Mvidi Mukulu, bamba ne: — Bushuwa, Mvidi Mukulu mmupe kabidi bantu ba bisamba bikuabu bukole bua kudilengeja, bua bapete muoyi mulelela.

Bienzedi 2:38

Ke Petro kubandamuna ne: — Nudilengeje. Batue yonsu wa kunudi mu mayi mu dina dia Yezu Kristu, bua Mvidi Mukulu anujimijile mibi yenu. Nanku nenupete dipa dia kudi Mvidi Mukulu, ke Mueyelu wa Tshijila.

Luke 13:3

Nansha kakese! Kadi ndi nnuambila ne: panudi kanuyi nudilengeja, nenufue bonsu momumue!

Luke 11:32

Dituku didi Mvidi Mukulu ukosa nsambu, bena Ninive nebadiwule bena lelu. Bualu bena Ninive bavua badilengeja, pavuabu bumvua muambi Yona ubalongesha. Kadi patudi apa padi muntu mupite Yona!

Matayi 3:8

Enzayi malu adi aleja ne: tudi basue kukudimuna mioyi yetu.

Matayi 3:2

wamba ne: — Kudimunayi mioyi yenu, bualu Bukalenga bua mu diulu budi pabuipi!

Yezekiyele 18:30

Meme nendumbuluishe yonsu wa kunudi bilondeshile malu adiye wenza. Meme Maweja-Nangila ndi njadika nanku. Enzayi malu mimpe. Lekelayi bibi bionsu binudi nuenza. Kanuenji bubi nansha bumue budi mua kunujimija.

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

Luke 24:47

Badi ne bua kulongesha bisamba bionsu mu dina diende, kutuadija ku Yerushalayime, ne: kudiye ke kudi bantu mua kupeta bukole bua kudilengeja, bua Mvidi Mukulu abajimijile mibi yabu.

Luke 15:10

Ndi nnuambila ne: ke mudi batumibue ba Mvidi Mukulu basanka bua muena malu mabi udi udilengeja.

Luke 15:7

Ndi nnuambila ne: ke mudibu basanka bipite mu diulu, bua muena malu mabi udi udilengeja, mudibu kabayi mua kusanka bua bantu makumi tshitema ne tshitema badi kabayi ne bua kudilengeja.

Luke 13:5

Nansha kakese! Kadi ndi nnuambila ne: panuikala kanuyi nudilengeja, nenufue bonsu momumue!

Marke 1:15

Uvua wamba ne: — Diba divuabu bafunde diakumbanyi, ndimane kukumbana. Bualu Bukalenga bua Mvidi Mukulu bukadi pabuipi. Kudimunayi nsombelu yenu, itabayi Lumu lua Disanka.

Matayi 11:20

Pashishe Yezu kutuadija kudiwula bena bimenga bavua bamone bishima bivule bivua-ye muenze, bualu kabavua badilengeja to. Ke Yezu kuambila bimenga ebi ne:

Matayi 9:13

Nuye kuela meji bua kumvua tshidibu bafunde mu Mukanda wa tshijila ne: “Ndi musue bua nufuilangane luse. Tshiena njinga bua nundambule nyama nansha.” Bualu tshiena umvue bua kubikila bantu bimpe, kadi anu babi.

Luke 9:6

Balongi kumuka, kuya mu misoku yonsu, kumanyisha bantu Lumu lua Disanka, kujikijila kabidi babeedi masama miaba yonsu.

Marke 1:3

Ke muntu udi wela lubila mu tshipela ne: Longololayi njila wa Maweja-Nangila, muludikilayi tujila tuende!”

Matayi 11:1

Yezu mumane kuambila balongi bende dikumi ne babidi mikenji eyi, kumukaye muaba awu, kuyaye kulongesha mu bimenga bia mu ditunga. Kumanyishaye bantu Lumu lua Disanka.